أيام كانت مع الجيران

[ابو فواز]

أيام كانت مع الجيران=أحلى سعاده ومافيها
نفطرسوى كاننااخوان= والآن غابت لياليها

[الرا مــــي]

أخي العزيز أبوفواز

كنت أرغب أن اشاهد رد الأخوان على هذه الكسره
خصوصآ الشاعر العملاق أبو محمد أوشاعرالشمال
أو أبو خل أوشاعر الجمع لأستفيد أنا ولاكن تجري
الرياح بما لاتشتهي السفن فلا يرضيني أن تنزل الكسره
هذه الى السطر الرابع بالمنتدى دون رد



حض الذي بالموده كان = يشهد على كل ماضيها
نضحك وفقلوبنا أحزان = كل ما طلع جيل نغليها

[زرياب]

الكل ينعي معك ماكان=ملفى الحضاره تجافيها
زل الصفى واستبد الشان=يامن تنكر دعاويها

[أبو فياض]

اخي ابو فواز
كل وقت له ناس واحلامه= وبكره نمجد نهار اليوم
واحلى ليالي العمر دامه= يقضيه الانسان طاعه دوم



ابو فواز
أيام كانت مع الجيران=أحلى سعاده ومافيها
نفطرسوى كاننااخوان= والآن غابت لياليها
ابو فياض
على كذا الوقت شانه شان= مايظل الايام صافيها
دايم ترى عادة الانسان= لامرت ايام يبكيها

[عايش الدميخي]

اخى ابو فواز
كل عام وانت بخير
ماشئ يبقى مدى الازمان = عادات ضاعت معانيها
جميل الاشياء فى نقصان = الله يزين تواليها
مع تحيتى

[الرا مــــي]

أحس يا عزيزي أنني دخلت معك بهذا المشتكى

وهذا طرحي فقد أخذت من إسلوب الأستاذ وإستفدت

من الأخوان



لاشك راحت بلا نكران=قليل من اللي يخاويها
حسره على ماضي العربان=ماغيرنسمع بطاريها

[ابو فواز]

أخي الرامي / ابو نواف
الله لايحرمني منك ، راعي مواقف واحمد الله الذي عرفني عليك
من خلال هذا المنتدي بما يحويه من اشخاص محترمين ؛ دمت على الوفاء والطيب
،،،،،،،،،،،،،،،،،،
الأخ الحبيب زرياب
لك أحترامي مع التقدير والف شكر على المداخله الجميلة
،،،،،،،،،،،،،،،،،،،
معلمي الكبير والمستشار الخاص / ابوفياض
مهما اقول لن أوفيك ماتستحقه من القول ولكن الله يجزاك عنا خير
،،،،،،،،،،،،،،،،،،،،،،،،،،،،،،،،
أخي الكبير الشاعر العملاق / عايش الدميخي
انها ليله مباركة نظرت فالجهاز ولم اصدقي نفسي أقول عايش الدميخي
اوعايش الرحال يارجل انت وين ماتعلم ان لك حب في نفوس الجميع
كل عام وانت بخير ، حبيب ياابوطلال قلبك حنين صافي والله فرحت لما
شفت اسمك كأنك من السماء نازل / الف شكر على الرد وعلى الطله الكريمة

البدر نوره علينا بان=ونور على كل اراضيها
تسلم لنا وانت فالحسبان=والطيبه دوم راعيها
مع خالص الأحترام

[خليل]

الاخ الرامي عتبه في محله وابو فواز كلامه عسل وما ينترك لكن نشبنا مع الورعان هذا يصلح وهذا ردوه ولجل عين تكرم مدينة 00
اللي مضى كان ياماكان = قصة للاجيال نرويها
قليل بهذا الزمان أنسان = يحرص عليها ويحييها
وسارت نفوس العرب ألوان = والّناس ضعفت هقاويها

[متنبي]

أستاذي أبوفواز 0 معلمى الكرام
وجهة نظر أمل قبولها مع التقدير
لاتظلمون الزمن لاشان = ياللي بعيده هقاويها
الوقت يامعشر الصحبان = بلاه من ناس مغويها
عدونا الاول الشيطان = عن سكة الخير حاديها
لاتحملونه خطا الانسان = نقطه ولازم نراعيها

[ابو فواز]

الأخ الاستاذ/ خليل
الله يعينك على الورعان هذا موسمهم
وشكرك على الرد الجميل العقل السليم فالجسم السليم ،،،
،،،،،،،،،،،،،،،،،،،،،،الأخ متنبي المجالس مثل ماقال أخونا الغانمي
الله يعطيك العافية اتعبت نفسك واجد ؛