قصيدة طلال الرشيد التي تحفظها قبيلة شمر صغارها وكبارها

[ناصر الصواب]

يا صغيّر ما يكبرني لقب=وما يصغرني إذا انكرني صغير
ما خذينا الصيت من جمع الذهب=ولا نسابة شيخ او قربة وزير
كاسبينه من هل السيف الحدب=الجنايز كان ما جاك النذير
صيتهم نجم ٍ على رأسه لهب=سمعوا الصقهان به واجهر ضرير
بالوفا تاريخ أبيض ينتصب=لا حكوا بالحق حيين الضمير
ضيغمين للسناعيس انتسب=لابةٍ طلنا بها عرش كبير
عند حدك يا كثير الهرج تب=لا تمر النار وثيابك حرير
كان لك عز بذلي فتعقب=والله ألا تبطي وحبلك قصير
احسبنك من صناديد العرب=واثر ساترتك عباتك ياغرير
ما حسب للسوس زراع القصب=والقراده ما درى عنها البعير
ولو حسبنا للحسايف والتعب=ما بذرنا يا العصافير الشعير
عن هللك ابراي لله واحتسب=الرجال اللي مجاراهم عسير
من قريش المصطفى وابو لهب=والدغالب ما غشت عذب الغدير
للرجال من الرجاجيل العتب=والزكاة تحل في حال الفقير
لعنبو وقتٍ غدينابه حطب=تحرقه نار يثورها اجير
ما ألومك والزمن سوى العجب=هو بقى غير الكرامه بالجفير
ما أذل وراسي يشم المهب=لو بقى من شمر طفلٍ غرير
ما اهاب ولا يزلزلني غضب=الشجاعه ورث العاقل عزير
يا صغير ما يكبّر باللقلب=غير من هو كان من دونه صغير

ذهب
من
هنا
وهو يسطّر إعجابه بهذه القصيدة

[طلال]

ناصر الصواب
هذا طلال العبدالعزيز الرشيد الشمري
صاحب امتياز وامارة رحمه الله
وهذه قصة لااستطيع ذكرها ولامجال لها هنا
لكن القصيدة من اجمل مايكون الشعر
وسالحق لك بيتا بخصوص هذه القضية
للشاعر فهـد عافت(سامحه الله):
دام يحكم زمنا قرون السيد الثور
........وش بلا العاقل يزعل لا من ناداه حمـ..يا حمـ...ار
اكرمكم الله
وهناك الكثير بخصوص هذه القضية لكن اشكرك على ذوقك
ويكفي ابو نواف رحمه ذلك البيت
من قصيدة سنا الفضه:
وضاعوا اللي جوا معاها مسيرات
...............واقبلت تمشي تقل ماحد معاها
غناء محمد عبده
كلمات طلال الرشيد رحمه الله وتجاوز عنه
وتقبل ودي اخي ناصر الصواب
.
.
اخــــوك.....طــــلال المحمد