الحـــارة

[الشاعر]

الدنيا ماهي مقيمه=ماتبقَى لاهلها ديمه
والذكريات القديمه=جتني وابكتني عليها
وقلبي ناره تذكاره=للحاره وايام الحاره
صحيح الدنيا دوّاره=ياطيب المتجمّل فيها
أذكر مامرّ من ايام=مضت لي تقول احلام
تعرض لي مثل الافلام=لاحلّ بقلبي طاريها
أيام بجدّه عشناها=ماباقي إلا ذكراها
هي عمري, عمري منساها=راحت عسى الله يسقيها
أذكرها يومنّا كنّا=والقلب الأبيض ساكنّا
ماكدرنّا وابكنّا=ولا اظلمت لياليها
ياطيب قلوب الرفاقه=للطيب وفعله سبّاقه
ماتزرع غلّ وحماقه=إلا في قلب معاديها
شايبهم ماشين برايه=شباب يشيلون الرايه
كم شادوا للمجد بنايه=ماتختلف مبانيها
طيّب نباهم والملفى=ناره فوجاره ماتُطفى
من شاهد سناها يدفى=والناس ان تاهت تهديها
كرام, الجود لمولاي=شيوخ ان شاروا بالراي
كم فارس سيفه مضّاي=مايقدر ينطح تاليها
أوايل مافيهم تالي=توالي للشيخ الوالي
قبيله لو تلقى جبالي=ماتقصر عن هقاويها
لكن الحضاره جتهم=وانستهم ماضي همّتهم
جتهم واعمتهم واصمتهم=لاعادها الله يعميها
جيت لمجلسهم وليَنّه=شيبان يجرّون الونّه
يالله عساهم للجَنّه=شيوخاً هذا باقيها
وجلست وفي صدري زفره=من نظره ظلّت بي حسره
واقفيت وهلّيت العَبره=وانا اتذكّر ماضيها

[أبو رامي]

شكرا لك أيها الشاعر المتمكن على هذه القصيدة ( الأهزوجة ) المعبرة وخفيفة الظل .
وأتمنى أن يدوم تواصلك معنا .. فما تقدمه بحق شئ مختلف .

[الشاعر]

الله يعطيك العافيه ياأبو رامي ويجبر بخاطرك...
إنت اللي تستحق الشكر على جهودك المتواصله ومتابعتك الدقيقه لما يُكتب
وخصوصاً مايكتبه مبتدئ مثلي يسعد عندما يرى تعليق ولو بسيط على مشاركته, فما بالك!! أو مابالي أنا عندما أجد مشاركتي قد زيّنها إسمك الكريم وكان ذلك كافياً ليُشعرني بالإعتزاز والفخر ولكنك أصبتني بخجل ووجل عندما تواضعت لتتوّجني رداًّ غايه في الروعة فيه من التشجيع مايحملني على ترك تقاعسي المتأصل في ذات لاتطيق المكوث أمام الكمبيوتر لا لشيء إلاّ لأنني لاأُجيد التعامل معه ولا أملك السرعة في الكتابة, ولكني لن آلو جهداً في إرغام نفسي على قبول ذلك المكان(المكوث) وترويض البنان فإمّا أن أدخل الميدان وأكسب الرهان أو يهزمني حميدان ثم يفوت الأوان.أبو رامي.. ستكون إجابتك على دعوتك للتواصل.. قصيدتين أرجو أن تنال استحسانك أنت ومن يقرأُها من الإخوة الأفاضل.

[assel]

جتهم واعمتهم واصمتهـم = لاعـادهـا الله يعمـيـهـا
جيـت لمجلسهـم iوليَنّـه = شيبـان يجـرّون الـونّـه
يالله عسـاهـم للـجَـنّـه = شيوخـاً هــذا باقيـهـا
وجلست وفي صدري زفره = من نظره ظلّت بي حسـره
واقفيـت وهلّيـتiالعَبـره = وانـا اتذكّـرiماضيـهـا

لك مني كل الشكر والامتنان على هذه الابيات
الجميله والمفعمه بأحساس الذكريات
والابداع الشعري المتكامل
بحق انت شاعر
الله يعطيك العافيه
وننتضر جديدك
واتمنى لك الانتصار على حميدان
واتحافنا بكل ماهو جديد وجميل
بالتوفيق
تحياتي
اصيل;)

[الشاعر]

أصيـــــل يا assel
أشكر لك مرورك ومناصرتك على حميدان المخيف, الذي لازال ينظر إليّ والشرر يتطاير من عينيه
"الله يســــــتر"