@((( انشــودة المـــــــاء)))@

[البعيـد]

السلام عليكم ورحمة الله وبركاته

احبتي
هنا استوقفكم ولو للحظات
وارجوا ان يكون استيقافي لكم جدير بهذا الوقوف
وارجوا ان تكون هذه المتواضعه جديره بقراءتها
مع علمي بأن ذائقتكم اكبر من هذه المتواضعه
ولكن هذا مااستطعت
ولكم مني جزيل الشكر

من هنا نبتديء


انشودة الماء
من نقطة العوده الـى اللاعـوده=صار الغلا وسط الخفوق يـزودي
من نبض شرياني بديـت حـدوده=لين انتشر في دنيتـي ووجـودي
اختم على حبـك بختـم الجـوده=حبك وطن يعني غـلاك حـدودي
تبنين فيـه صروحـك المشهـوده=وابني على صرح الغرام سدودي
مثل السعوديه ...بلـد موجـوده=لكنّهـا تسكـن بكـل سـعـودي
قولي لهم: انـك علـي محسـوده=وانا بقول: انـي بهـا محسـودي
بأقول: فرحـة خافقـي وسعـوده=وأقول:هي عطري وكـل ورودي
دلعتهـا وسميتهـا : ...........=وهـي دلعتنـي عندهـا عبّـودي
وان كذبوا فيض الشعـور وزوده=اخذت من نبض الخفوق شهـودي
مااجي لهم بأعصابـي المشـدوده=والله لأوريهـم ثلـوج بــرودي
لأسقيهم الماء من همـاج عـدوده=واحرق مسامعهـم بسـمّ ردودي
مااترك عدوّي يوصل لمقصـوده=ماهيب من طبع وطبـع جـدودي
حافظ لخـوة صاحبـي وعهـوده=وش عاد وانتي قصدي ومقصودي
انا جمعت من القصيـد حشـوده=خلّيتهـم شعبـي وكـل جنـودي
فتّحـت كـل ابوابـه المسـدوده=وخلّيت حبّك مـن اهـمّ بنـودي
فارسك فارس ماتخيـب جهـوده=ماهمنـي الا طريـق صـعـودي
بأعزف على لحن الغرام انشـوده=انشـودة البـاب القديـم العـودي
أنشودة المـاء لاغفـى بركـوده=اللـي يشابـه بالركـود ركـودي
انشـودةٍ مـن دفتـري مفـقـوده=ياما حصد منها الزمن محصـودي
هذا قصيـدي وانتـي المقصـوده=شعري وجودي من وراء موجودي
واليـا لقيتـي جثتـي مـمـدوده=خلي من اوراق القصيد لحـودي
اسباب واعمار البشـر محـدوده=قولي: توفى يوم شاف صـدودي
حنيـت للعـوده الـى اللاعـوده=ودي احـس بقيمتـي ووجـودي
وسلامتـكـم
البعيد


وهنا ننتهي


وعلى الود نلتقي

[صالح محسن الجهني]

عناية الأخ الفاضل البعيد
السلام عليكم ورحمة الله وبركاته
ما أجمل بيانك عندما تمتطي صهوة حصانك الذي هو بيننا شعرك ولسانك فأصعد فالقلوب مكانك حتى وإن أبتعدت سنظل نحترم في بحورناالكريمة أشجانك.

دلعتها وسميتها ............=وهي دلعتني عندها عبّودي

لم يلفتني هذا البيت فقط القصيدة بما حوت من جميل القول ملفته ورائعة ولكن حب الاستطلاع عجيب عند الانسان فذكرت قولا في ادبينا الجميل :
يقال أن الشاعر ابو العلاء المعري كان يذكر جميع الشعراء بأسمائهم إلا المتنبي فيقول عنه( الشاعر ) لذلك فمن مثلك أقنعت نفسي أنه يكفينا أن ندعوه بالشاعر وهذا يكفيه لقناعتنا بشاعريته وثقته هو بذلك .
فشكرا جزيلا لك أيها الشاعر الهمام وإلى المزيد من التوفيق حفظك الله عز وجل
تقبل هذا البيت المتواضع ..اهداء وامضاء على هذه الرائعة مع فائق التقدير والإحترام .

أبياتكم بأوتادها مشّدوده=والحبّل والواسط بها ممدودي
يا شاعر المعنى كريم العوده=مشاعري حضّرتها وشهودي

أخوكم أبومحسن

[النادر]

جميله اخى البعيد
وصح لسانك
انت بعيد الكلمه قريب المعنى

[صالح محسن الجهني]

أخي البعيد يشرفني أن أسطر ردا لهذه القصيدة الرائعة لكي تذكرك بالعودة العاجلة لهذا المجلس الكريم تفضلوا مع فائق التقدير والاحترام هذا الرد المتواضع أمام معلقتكم الرائعة .

أبياتكم بأوتادها مشدوده=والحبل والواسط بها ممدودي
يا شاعر المعنى كريم العوده=مشاعري حضّرتها وشهودي
مديت في دربي معي باروده=أقنب قنيب اللي بها مرشودي
ما أخذتها ودي أصيد الدوده=لكنها هي عزوتي ونجودي
ما أصيد فيها غير شئ به فوده=وجنبتها مقناصها المقرودي
في طرقتي ماشي على المسنوده=في دربها ترتع مع المفرودي
مستانسه والخير حنا شهوده=في دارنا من نعمة المعبودي
دار ٍ لنا هي عشقنا المرشوده=بقلوبنا تحيا غلاها يزودي
تاريخنا فيها ونسل جدوده=نفخر بهم في عزنا الموجودي
في خطوتي لو إنها محدوده=وقفت أريح صاحبي ملهودي
اخذت زادي نعمة ٍ محموده=وريحت نفسي واستعدت جهودي
ما بين قطف الورد من منشوده=اللي سقاها ربنا ذا الجودي
قطفت لي ورده بدرب العوده=وخليتها فوق الشداد تنودي
أسير فيها وصاحبي له قوده=له مشيةٍ مثل الظباء معدودي
حتى وصلنا دارنا المقصوده=وفيها لقينا المقعد المحمودي

شكرا لك أيها الشاعر لاثارتك فينا المشاعر الوطنية .
أخوكم أبو محسن

[البعيـد]

الاستاذ
صالح محسن الجهني
شكرا لك على هذه المجاراه الصادقه
وشكرا لقلمك المبدع
الذي لايعرف الصعب

اخي

لا اريد ان اتشبه بأحد ولا ان اقارن بأحد
ليس لشعري
ولكن لم ولن اصل لما يسمى شعراً

فكل ماكتبته هو مجرد هذيان
في ساعات الفجر الاولى



اعجبتني مجاراتك للقصيده
وطرحت سوق قصيدتي
ارجوا ان تضعها في موضوع لوحدها لتأخذ قصيدتي حقها هههههههه

شاكراً لك تواضعك واحساسك الصادق


اخوك
عبدالله(البعيد)

[البعيـد]

اخي
النادر

شكرا لك على هذا المرور الكريم

وعلى الاطراء
لك احترامي وتقديري
اخوك
البعيد

[جفن العين]

حنيـت للعـوده الـى iiاللاعـوده *** ودي احـس بقيمتـي iiووجـودي

شكراً على هذا الجمال وهذه الرووعة

[البعيـد]

شكرا على هذا المرور الأروع

لك تحيتي وتقديري

اخوك
البعيد