ياضمن جيتك والليالي توافيق

[خالد الهلولي]

السلام عليكم ورحمة الله وبركاته

الاخ العزيز والشاعر القدير ضمن السناني

والله اني عارف اني ابطيت عليك لكن العذر والسموحه وهذاني جيت

استلم لاهنت ونكمل سواليف مع اللعب


ياضمن جيتك والليالي توافيق=والهم يلعب في حبال المعاليق
نبغى نغني قافنا دون تصفيق=الصبر زين وكل مطرود ملحوق




ياضمن جيتك وبالي بالملاقا طويل=نبغى حسين المعاني عرف(ن) نصيبها
هات القوافي وجهز في يديك الدليل=ترى الكذوب لسوانا نقص(ن) يجيبها

[ضمن السناني]

هلا وغلا

باأبو سعيد

والحمدلله عل السلامة


إن رحت وإلا جيت يامرحبا فيك=في مجلس أهل العز ربي يحييك
وافي وطيب دوم مافيك تشكيك= والصبر زين وكل مطرود ملحوق



أبشر نوفي لك المكيال وقت المكيل= والطيبه طيبه نوفيك من طيبها
حسبي على(الواشي) الوالي ونعم الوكيل=اللي يودي علوم الناس ويعيبها

[خالد الهلولي]

اعتذر بشدة عم تأخري في الرد

كانت ظروفي قاهره يابو عواد........

استلم لاهنت.......


ابعد بقافك عن كثير السلامات=ترى رفيقك في هواه السلى مات
والا تنحّى واغتنمها السلامات=الصبر زين وكل مطرود ملحووووق




قالوا لي اخترت بكره دون توكي صميل=الظاهر ان القصيم أومت لك بذيلها
احذر سواد الليالي وانت بأرض المقيل=واحسب خراجك وقيس النفس مع حيلها

[ضمن السناني]

تعرف ياأبو سعيد
هذا الوقت اجازة ومناسبات وماأحد فاضي

وووووووووووووووووستلم


المسلم السني له حقوق وحقوق=وإعرف ترى إن الحق ياشيخ مطبوق
ومن يوم ماشرقت ياشيخ محقوق= والصبر زين وكل مطرود ملحوووووووووق



لا تاخذ علوم ياخالد بقالوا وقيل= والناس ما تاخذ إلا علوم عقيلها
من ماضي الوقت ماننزل بدرب المسيل=من روس قوماً على عزه محاصيلها