وش تبي منّا بلدنا وش نبي منها

[أبو تركي]

وش تبي منّا بلدنا وش نبي منها=عشقها وسط الحنايا يأمر وينهى


وش تبي منّا بلدنا ؟

نزرع الصبح وبهذا الصبح نستقبلك يا القرن الجديد
ويكشف الصبح المسا
نأخذ الدنيا بعلم عقول ويدين ونودع وبدون مارجعة
زمن عل وعسى

وش نبي منها بلدنا ؟

مانبي غير اتذكر يوم أبو تركي يصيح ( أنا أخو نورة )
ويتقدم للحسا
العظيم من الرجال إن كثرت حموله تعزوا بالعظيم
من النسا


وش تبي منّا بلدنا وش نبي منها=عشقها وسط الحنايا يأمر وينهى


وش تبي منّا بلدنا ؟

إيدين مشتركة توحدنا وترسم من جديد المجد
للدرب السعودي
وحدة تجعل سلام الجار من سلمي وسعدة
من سعودي

وش نبي منها بلدنا ؟

سوق نزرع باقتصادياته التمر الذي يلزمك تنسج
خيط ثوبي
واحتياطي أجيال يضمن بعد مشيئة الرزاق الخير
عند أزمات الشعوبي


وش تبي منّا بلدنا وش نبي منها=عشقها وسط الحنايا يأمر وينهى


وش تبي منّا بلدنا ؟

نحسب حساب إن خير الأرض من طبعه يجف
ومن طبيعته الزوال
وإن ماغير أهل هذي المملكة باقين فيها
لو يجي مليون حال

وش نبي منها بلدنا ؟

ينكتب في قلوب كل مؤسسات المملكة
يا سعودي تعال
في الحروب قتال وفي عهد السلام أشد وأعتى
وأصعب أنواع القتال


وش تبي منّا بلدنا وش نبي منها=عشقها وسط الحنايا يأمر وينهى


من كلمات الشاعر / فهد عافت