خليل
27-07-2004, 12:23 PM
ياخوي ابنصحك واعطيك صافيه = هذي تجارب ماتقدر بمليون
ابعد عن الجاهل واحذر تماشيه = اما ينقدك ولايطلعك مجنون
وكبك من اللاش احذر تخاويه = يعيي عن الما لو عنده عيون
وردي الاصل لو كنت شاريه = يبقى ردي ولا يسير مزيون
وخلك مع اللي لانخيته تلاقيه = رجال يوقف في مواقفك دندون
عزك خوانك وابن عمك تراعيه = وقدر رفيقك لالقيته ولايهون
وحشم رحيمك وارفعه دوم واغليه = راع الرحم تراهم اخوال يبقون
والجار حق الجار انصحك راعيه = ان غاب واللا حضر خليه مصيون
وخلك كريم والكرم لاتوريه = يبان راعيه من اللي يحيون
واذا جلست بمكان اجلس بعاليه = تصدر المجلس وابعد عن الدون
ارفع مقامك يرفعه كل شاريه = واللي يجنب لاتلقيله عيون
واحذر كلامك بالمجالس وداريه = الناس تنقد ومن كلامك يودون
واحذر عن الواجب تقصر ولاتجيه = الناس تقصر بك وعندها تهون
ودينك تمسك به وربك تلاقيه = وللمسجد امشي مع اللي يصلون
تمت وعلى المختار حنا نصليه = صلاة ربي عدد ماهلت مزون
ابعد عن الجاهل واحذر تماشيه = اما ينقدك ولايطلعك مجنون
وكبك من اللاش احذر تخاويه = يعيي عن الما لو عنده عيون
وردي الاصل لو كنت شاريه = يبقى ردي ولا يسير مزيون
وخلك مع اللي لانخيته تلاقيه = رجال يوقف في مواقفك دندون
عزك خوانك وابن عمك تراعيه = وقدر رفيقك لالقيته ولايهون
وحشم رحيمك وارفعه دوم واغليه = راع الرحم تراهم اخوال يبقون
والجار حق الجار انصحك راعيه = ان غاب واللا حضر خليه مصيون
وخلك كريم والكرم لاتوريه = يبان راعيه من اللي يحيون
واذا جلست بمكان اجلس بعاليه = تصدر المجلس وابعد عن الدون
ارفع مقامك يرفعه كل شاريه = واللي يجنب لاتلقيله عيون
واحذر كلامك بالمجالس وداريه = الناس تنقد ومن كلامك يودون
واحذر عن الواجب تقصر ولاتجيه = الناس تقصر بك وعندها تهون
ودينك تمسك به وربك تلاقيه = وللمسجد امشي مع اللي يصلون
تمت وعلى المختار حنا نصليه = صلاة ربي عدد ماهلت مزون