احب ربـي ثـم الكنـق واخوانـه (قصيده)

[النادر]

قصيده بلا عنوان

البارحـه كلمتنـي بـنـت مبلـيـه =ومعاملتها صراحـه معـي تعبانـه
قالت كيف الحال قلت اهليـن يابنيـه =قالت بغيت البنـات قلـت غلطانـه
قالت تمـزح قلـت احكـي بجديـه =انا رجل والرجـل ملـزوم بلسانـه
قالـت بـلا دلـع رح نـاد بدريـه =وان كانت نايمـه صـوت لسلطانـه
قلت الحقيقـه تـرا حنـا عزوبيـه =والكل منا يابنت النـاس فـي شانـه
قالت بسولف معك لو تسمح شويـه =تراي قبل اتصلبـك كنـت طفشانـه
قلت اهرجي زيـن وصفـي النيـه =وانـا بسولـف معـك بنيـة زانـه
قالت تحب قلت احب اللي حواليـه =احب ربـي ثـم الكنـق واخوانـه
واحب ديني واحب اراضي السعوديه =محبـة ماعطاهـا الخـل خـلانـه
قالت بضحكه وش باخلاقك تجاريـه =اصلا يوم اسولف كنـت خسرانـه
انت بـدوي ماتعلمـت الرومنسيـه =انـت بـدوي حياتـه مالهـا خانـه
قلت اسمعي زيـن كانـك طبيعيـه =ولكن اظنك يابنت سنفوره سكرانـه
حنـا بـدوا بـدوا لاثـارت الهيـه =نثبت لا عـارض البـارود دخانـه
حنا بدوا ولياكوينـا ننضـج الكيـه =يفرح بنا من وخذت ذوده وحيرانـه
حنا بدو ليانكشـف ستـر السنافيـه =يفخر بنا اللي يشوف الضيم بعيانـه
ياللـي تقوليـن بـدو اقـول يابنيـه =الاصل حنا وعـز البيـت سيسانـه

نقلها

اخوكم النــــــادر

[الجهني]

مشكور أخي النادر على هذه القصيدة الرائعة وعلى هذا الاختيار الموفق

[إبراهيم المحياوي]

كاتب الرسالة الأصلية النادر



حنـا بـدوا بـدوا لاثـارت الهيـه =نثبت لا عـارض البـارود دخانـه
حنا بدوا ولياكوينـا ننضـج الكيـه =يفرح بنا من وخذت ذوده وحيرانـه
حنا بدو ليانكشـف ستـر السنافيـه =يفخر بنا اللي يشوف الضيم بعيانـه





بيض الله وجهك أخوي النادر على هذه القصيده الرائعه وبيض الله وجه قايلها

[النادر]

مع التحيه

استاذى الجهنى شكرا على مرورك الكريم

اخى الفاضل الشاعر/ راعى البل بيض الله وجهك وشكرا على المرور

اخوكم النــــــــادر