&*** الشاعر فيصل الرياحي البقمي يشمل قبائل العرب في قصيدة واحدة ***&

[ناصر الصواب]

أخواني الأعضاء

أقدم لكم هذه القصيدة للشاعر فيصل الرياحي البقمي ، وهي شاملة لجميع

القبائل التي لها صيتها عند العرب ،أمثال قبيلة(عتيبه - حرب - جهينة - بني

الحارث - مطير - وغيرها من القبائل الأخرى) فإليكم القصيدة :





قبأيـلٍ تسكـن بشـبـه الجـزيـره =جزيـرةٍ تبهـر عريـضـه كبـيـره

والكـل منهـم لـه منـازل وديـره =من ساحل الأحمر ليا ساحـل عمـان

منهم"عتيبـه"نـعـم والله عتـيـبـه =قبيلـةٍ بـيـن القبـايـل عريـبـه

أمجادهـم تعـرف ولاهـي غريـبـه =ليا حل طار المجـد يطـرون عتبـان

ومنهم بني الحارث هل المذهب الزين =كسابة القاله علـى العسـر والليـن

تاريخهـم معـروف ماهـم غبيـيـن =وا لنعم يإبن الحارث طيـور حـوران

ومنهـم "سبيع"ونعـم بسبيـع دايـم =تاريخهم يشهد لتهم فـي القـدا يـم

نقـول حـق ولا نحـب ا لظـلايـم =يستاهلـون المـدح والنعـم سبعـان

و"غامد" ونعم بغامـد اهـل الشكالـه =قيـف شجيـع كـامـلات خصـالـه

الطيـب فيهـم والكـرم والبسـالـه =إلا وفي وقـت المحاضيـر شجعـان

و"قحطان" ساس الأصل نعـم القبيلـه=أفعالهـم مـن غيرهـم مستحيـلـه

بالطيب عـدو كـل عيطـاء طويلـه =وا لنعـم والله ياصناديـد قحـطـان

والنعم "با الاشراف" نسـل الصحابـه =ا لديـن فيهـم وا لسخـاء واللبابـه

والعرف والمعـروف شـدوا ركابـه =والنصح والارشاد عن كـل عصيـان

وأولاد وائــل نـعـم والله قبيـلـه =أهـل الفعايـل والعمـوق الاصيـلـه

منهـم ملـوك يكسبـون ا لنفيـلـه =اسم(عنزه) في قمـة المجـد عنـوان

و" شمر" ليـا عـدت فعـول النحايـا =وا لنعـم والله يـارجـال ا لطنـايـا

حمأيـة القالـه سـهـوم المنـايـا =نقولهـا فـي حقهـم سـر وإعـلان

والنعـم "للعجمـان" مافيـه معـروف =قول وفعل ما تنفـع نقـاط وحـروف

مجـدٍ تعـلا كنـه سهيـل مشيـوف =دليلنـا فـي مدحهـم فعـل راكــان

و"مطير" حمران النواظر هـل الجـود =تاريخهم من قبـل واضـح و معـدود

مجـدٍ مثبتـة براهـيـن وشـهـود =ماينجحـد مجـد وأهاليـه مـطـران

ونعمٍ "بحرب" ليا طرا طاري الأمـداح =أهل ا لموا قف كـل ماصـاح صيـاح

حرابهـم بالنـوم ماهـوب يـرتـاح =من ضيمهم مايمـرح الليـل سهـران

و "سليم" أهل مجد مسجـل بالاسطـار =ذربين أهـل قالـه وبالعـرف شعـار

وأظن هرج ا لصدق مايقبـل إ نكـار =أخذ الأدب والعرف من روس سِلمان

وجمع "الدواسر" ما بهـم قـول قايـل =دوسـر جمـل يشتـال كـل الثقايـل

باسمـه تسمـوا والفعايـل دلايــل =غـدران مـوت ماتحلـى بـغـدران

و"بني تميـم" اللـي فخرهـم مقيمـي =ود ليلنا قول ابـن صقيـه ا لتميمـي

يدري بهم مـن كـان قلبـه فهيمـي =أ خبارهم شاعـت لحضـر وبـدوان

وأيضا "بني خالـد" عـذاب العنيـدي =جو من سلالة "خالد ابـن الوليـدي"

قـول محقـق مانقـول ا لسـريـدي =نقرأ ونبحث لين نـدري بمـا كـان

و"زهران" جن الحرب يـوم الحرايـب =اللـي طعنهـم يـودع ا لـدم رايـب

هبت لهـم مـن كـل طيـب هبايـب =وا لنعـم والله يارجاجيـل زهــران

و"عسير" عسرين علـى كـل طمـاع =سباعٍ تعشي سبـاع الأقـذال بسبـاع

السيـف بيديهـم مخلـد ومـطـواع =ورمـاه ليـا رد النظـر لام نيشـان

و"شهران" مشهورين والجـد شاهـر =الكـل منهـم فـا لمهمـات مـاهـر

طيب ليا عـدوا هـل الطيـب ظاهـر =معـروف مايطويـه بعـد ونسـيـان

و"بالقرن" قرن الموت شرابـة الـدم =حرابهـم يسقونـه الصبـر والسـم

في رؤسهم شيمـه وعـادات ولـزم =ما ينحصـي تعريفهـم عبـر قيفـان

وأيضا "بنـي مالـك" ذكرنـا فخرهـم =الطيب طـوع يـد ينهـم ماعسرهـم

ليا ماجت أمواج البحر مـن بحرهـم =بحر يكز الموج مـن غيـر جيـلان

والنعم "بالأحمـر" علـى كـل حالـي =في كـل صعبـات اللـوازم رجالـي

شوامـخ ماهـم بـجـرف هيـالـي =كسبان ياحايز علـى المـدح كسبـان

و"شمران" ليا شمر عن الساعد الثوب =حرابهم يقفـي مـذ لـل ومرعـوب

كم كدروا يوم الكـدر كـل مشـروب =ياهل الوفاء محد جحد فعـل شمـران

والنعم"بالأسمـر" ليـا حـل طــاري =شمعة فخرهـم ماذرتهـا ا لـذواري

يروون صفحـات القنـا و الشبـاري =ويوردون ا لسيف لاصـار عطشـان

وصبيان"يام" أهـل العمـوق العريقـة =ستر ا لظعـن يـوم الايـادي طليقـة

ما تختفي عن عيـن عاقـل حقيقـة =يام ا لحرايب يوم سوقـات الاظعـان

والنعم والله فـي رجـال"ا لشـرارت" =ا لطيب له فيهـم مـواري وأمـارات

أهل ا لمراجل يـوم الأيـام عسـرات =ا لكل منهم يجلـب ا لـروح قربـان

أيضا" بني هاجر" كفـوف الأسـودي =يثبت لهم في كـل عليـاء وجـودي

قول عليه الفعـل الأبيـض شهـودي =وا لصـدق قايـد للمعانـي وقبطـان

ونذكر " بلي" بلواء على كل عاصـي =ليا جاء نهار فيه شيـب ا لنواصـي

رجالهم ينطـح خشـوم ا لرصاصـي =ليا طار ستر ا لوجه عن دعج الأعيان

وأيضا "جهينه" عزوة باسهـم بـاس =نطاحة ا لغاره علـى قـب الأفـراس

أمجادهم من يوم خلقوا علـى سـاس =بيت جويـد مـا نخلـع فيـه بيبـان

وأيضا"السهول" لهم مواقف وتشجيـع =يطوعـون ا لـضـد لازام تطـويـع

ويقال عنهـم ا نهـم حلـف لسبيـع =ذولا وذولا نعـم وافـيـن الأفـنـان

وأيضا "الظفير" أهل الظفر والمدايـح =يوم الثميـدي مثـل وبـل الروايـح

ارجـال مافيهـم غمـوز وقـدايـح =منهم زبون أهل لمقاصيـر "نومـان"

وسفيان من قبل النبـوه لهـم بيـت =صحيح لاأ ز ل بكلامـي ولاأخطيـت

قريت في كتـب التواريـخ وأوحيـت =سفيان سلسلة العريب ابـن سفيـان

و"طويرق " أهل الشيمـه المستديمـه =وأهل الوفاء وأهـل اليديـن الكريمـه

للجـار عـز وللمـعـادي هزيـمـه =أقولهـا مانـي بـراعـي تـلـوان

و"هذيل" أهل غيره ومذهـب وجيـره =وميزاتهـم مـن غيـر هـذا كثيـره

وليـا قـدح للحـرب قـادح ذخيـره =تلقـى مقاديـم الرياجيـل هــذلان

و"قريش" مجـد قريـش كـل درابـه =قوم الرسول وقوم بعـض الصحابـه

ومجد تعـدى الهاشمـي وشنبابـه =اللي من قلـوب البشـر زال الأدران

و"ثقيف" مـا يحتـاج نذكـر فخرهـم =ما دام "ابن يوسف" على طول منهـم

يكفيهـم "الحجـاج" مجـد شهـرهـم =بالكتب والتاريـخ فـي كـل ديـوان

و "بني رشيد" مـن القبائـل يعـدون =ليا جت مجـالات المواقـف يبـدون

يبنـون بنيـان الفخـر مايـهـدون =اللي نقدهم مامعـه علـم بخصـان

ونذكر "بنـي مـره " ونعـم آل مـره =لجـار عـز واللمـعـادي مـضـره

واليـوم فـي نعمـه وسـره وقـره =بين الثلاث اللي خذتهـم بالأحصـان

و"أكلب" هل الطالات وأهل النواميـس =إمسيسـن بدوحـة المجـد تسيـس

كلامنـا مابـه مجـامـل وتلبـيـس =والقول لاسلم الغـوى والخطـاء زان

والمعـذره يـا واسعيـن المعـرفـه =إن غاب عن تفكيري أحـد ماعرفـه

للشعـر تصريـف وللهرج صـرفـه = ولاينتجـازى الناسـي إلا بغـفـران






وسلامتكم

[الجهني]

الأخ العزيز ناصر الصواب سلمت ياالغالي على هذه القصيدة الجميلة للشاعر الكبير فيصل الرياحي وأتمنى من الأخ ضمن السناني تنسيقها التنسيق المناسب للطباعة وللجميع تحياتي وتقديري

[ضمن السناني]

أولاً/ شكراً للشاعر الأخ/ ناصر الصواب على القصيدة الجميلة للشاعر العلم

فيصل الرياحي000

ثانياً/ لاتزعل ياابو مقبل قمنا بالواجب

وشكرا للجميع

[ناصر الصواب]

الأخ : الجهني :

شكراً على هذا التفاعل الجيد ، والتي ليس بغريب على أهل الوفا والطيب ،



الأخ : ضمن السناني :

شكراً على إستجابتك للأخ الجهني ، على تنسيق القصيدة ،،،،،
ذهب
من
هنا
وهو يقول لكم شكراً ألف الشكر

[رضا الأهدل]

لاشك في تقديم العرب على بقية الأجناس ، وفي تقديم قريش،على العرب جميعا بشرط (التقوى) ذلك فضل الله يؤتيه من يشاء0 ولا راد لفضله0

قال الحق سبحانه وتعالى ( وجعلناكم شعوبا وقبائل لتعارفوا إن أكرمكم عند الله أتقاكم) وقال صلى الله عليه وسلم (كلكم لآدم وآدم من تراب لافضل لعربي على عجمي إلا بالتقوى) وقال صلى الله عليه وسلم أيضا(الناس معادن خيارهم في الجاهلية خيارهم في الإسلام إذا فقهوا) أو كما قال صلى الله عليه وسلم 0


قال الشاعر الإسلامي /محمد إقبال

ومما زادني شرفا وعزا وكدت بأخمصي أطأ الثريا

دخولي تحت قولك ياعبادي وجعلك أحمدا ليَّا نبيا0

فأشرف رتبة يتباهى بها المسلم (عبد الله) وقد خاطب الحق سبحانه وتعالى خير خلقه محمدا صلى الله عليه وسلم بقوله( سبحان الذي أسرى بعبده ليلا.......الآية)

بهذا الميزان تقدَّم/ سادتنا بلال الحبشي وصهيب الرومي وسلمان الفارسي0
على أعمام رسول الله صلى الله عليه وسلم ، (أبو طالب وأبو لهب، وغيرهم من سادات قريش والعرب والعجم ،مِمَّن ماتوا على الكفر والعياذ بالله0

وحتى لايصرف الكلام عن مراده ، فالقصيدة في مدح القبائل العربية المسلمة المعاصرة ، في الجزيرة، كما هو واضح من العنوان، فالتقييد بالتقوى، لأنه لايخفى على مسلم أن الناس يتفاوتون فيها، وعلم هذا عند الله، لأنها من أعمال القلوب ، ولها دلائل في السلوك0 ولكن الحكم بالنتيجة والثواب ، متروك لعلاَّم الغيوب0

هذا الميزان الرباني الحق، أما بموازين أهل الأرض، فيشاركنا في الشجاعة والقوة ، والتفوق و و و و ............الخ أمم كثيرة في عصرنا إن لم يتفوَّقوا علينا، ولا أحتاج لشواهد، خاصة في الناحية التقنية0 أكرر في حاضرنا، أمَّا السالفين فنقول( تلك أمة قد خلت لها ما كسبت ولكم ما كسبتم .....الآية)
والله من وراء القصد0