الكلاش
24-06-2004, 12:21 PM
مادرج العبره ولى قلب مقدام = عزيز ربعه مايعرف المذله
لاوالذى حط السماء فوق ذا الهام = نشرب قراح وغيرنا ماحصله
نمشى على درب الهدى دوم قدام = والى يبى درب الهدايه ندله
حنا سقينا للعدو مر الاسقام=فى ديرته فى هجرته فى محله
فى عز ابوتركى قضينا ميه عام =القصر عالى والعرب مستظله
يموت حبر الوهم فى جوف الاقلام = فى قلب حاقد داخله الف عله
يابايعين الهرج فى بعض الاعلام = هرجك رخيصك ولا له اى مله
متوارثين الكذب عباد الاصنام = شرث الخطى باقدمنا مستذله
للعز ماترقى خفافيش الاوهام = والياء فتلنا علمنا ماتفله
ولد الرخو لاشال حظه ولاقام =وش حيلته ماغير دمعه يهله
ياناشد(ن) عن دارنا دار الاسلام= دار لها فالعز قدر ومحله
فى عز ابوفيصل ذرى كل منضام = الخير ضافى ماوطاه اى خله
حنا الضمير الحى وحنا له حزام = الياء بغانا سيفه الى يسله
عشتى لنا يالمملكه طول الايام = وعشت ياشيخ الخلايق تجله
احمد بن عاقل الغانمى
لاوالذى حط السماء فوق ذا الهام = نشرب قراح وغيرنا ماحصله
نمشى على درب الهدى دوم قدام = والى يبى درب الهدايه ندله
حنا سقينا للعدو مر الاسقام=فى ديرته فى هجرته فى محله
فى عز ابوتركى قضينا ميه عام =القصر عالى والعرب مستظله
يموت حبر الوهم فى جوف الاقلام = فى قلب حاقد داخله الف عله
يابايعين الهرج فى بعض الاعلام = هرجك رخيصك ولا له اى مله
متوارثين الكذب عباد الاصنام = شرث الخطى باقدمنا مستذله
للعز ماترقى خفافيش الاوهام = والياء فتلنا علمنا ماتفله
ولد الرخو لاشال حظه ولاقام =وش حيلته ماغير دمعه يهله
ياناشد(ن) عن دارنا دار الاسلام= دار لها فالعز قدر ومحله
فى عز ابوفيصل ذرى كل منضام = الخير ضافى ماوطاه اى خله
حنا الضمير الحى وحنا له حزام = الياء بغانا سيفه الى يسله
عشتى لنا يالمملكه طول الايام = وعشت ياشيخ الخلايق تجله
احمد بن عاقل الغانمى