مبروووووووووووووووك ياخالد الهلــــــــولي

[ضمن السناني]

الأستاذ الغالي الشاعر/ خالد بن سعيد الهلولي ألف مبرووووووووووووك

ومشتاق لعلومك الغانمة000واستلم


يامرحباااا ترحيبة(ن) ياخالد ابن سعيد فيك= وأطلب من الله يحفظك ياصاحبي لي والديك
وانته ولد نشمي تعرف اللي لكم واللي عليك= أقولها واللي عقد روس الحبال يحلها


مبروك ياخالد ابن سعيد عد النجوم=واعداد ماهلت مزون ودرج سيلها
عامين غايب ولكن جبت فيد وعلوم=واليوم هات العلوم وجيب تحليلها

[خالد الهلولي]

الشاعر والأخ العزيز ضمن السناني...

بارك الله فيك وعافاك..........

واعلم ان شوقي لك اكبر............والميدان ياحميدان:cool:

استلم لاهنت............


يا صاحبي لو قلت لك مشكور ماظني وفيت=لاشك راع الأولة مادام في وصلك بديت
ابشرك مع صفحة الماضي انا هجرك طويت=اقولها واللي عقد روس الحبال يحلها





مشكور ياضمن قافك ياعضيد اللزوم=معروف درب المهابة في يدينك حيلها
عامين والقاف قصر في حقوق القروم=الحق باقي وريح المسك يعشق شيلها

[ضمن السناني]

حياك الله ياأبو سعيد

وشد حيلك:D والله يوفقك إن شاء الله




لاتقابل الترحيب في مشكور ياعبدالشكور=من يوم رحت الشرق صرت تغيب في ليلة عاشور
وأنته من رجال(ن) تفك الذود من ساس مخبور= أقولها واللي عقد روس الحبال يحلها



فالشرق قالوا لنا خالد مطوع يصوم=ويقوم فالليله اللي دامس(ن) ليلها
ولافيه شخصاً من الزلات صار معصوم=من بعد ماجاتنا النشره وتفصيلها


:D

:D

[خالد الهلولي]

البقا يا ابو عواد

والشدة بالله وانا اخوك;)

استلم لاهنت......:cool:


الليلة اللي شفتها لو جتك يا ضمن تغدي=حالك سواده ليلها من ظلمته فيك نعدي
لكن تناساها وخلك عاقل ياسيدي=اقولها واللي عقد روس الحبال يحلها



ساعة لربك وساعة ظالم لي تنوم=لاشك فيك العبادة زايد ويلها
لاقصر الرجل فينا عن قصورة نقوم=وإلا المزوح يغفرها طيب تعليلها


:rolleyes::rolleyes:

[ضمن السناني]

راااااااااااحت ياسنايدي عليك;)

ولاهان رأسك يابعدي

ليه الهجوم العنيف:mad:


أنا أحمد الله واشكره ماسرت في عوج الدروب=إن رحت يم الشرق وإلا رحت ياخالد جنوب
عوّد على سنة محمد ياولد ورجع وتوب= أقولها واللي عقدروس الحبال يحلها

المشكله مالقينا قسمك من القسوم=يامطوع الشرق والله مانت بحويلها
مير استريح وتريح ياولد ومخدوم=ومانواخذ أهل العقول بقول جهيلها


:D:D:D

[خالد الهلولي]

اذا بتعصب امشي:(

بعدين ما كل ما يعرف يقال يا ابو عواد الله يهداك:confused:

استلم يا بعدي(حلوة بعدي شرقاوية):D



ماتتهم رجل طيب دون تحضر شهود=حضر شهودك وخلك عادل بالورود
وإالا تراجع وانا اسمح قبل تصل الحدود=اقولها واللي عقد روس الحبال يحلها



ماينشر القول مني في عيون الخصوم=غمض وخل الحكاية عندي اشيلها
مالك ومال النقايص وانت رجل محشوم=ترى الرسالة حلاها عذب تذييلها


:cool::cool::cool:

[ضمن السناني]

iهلا وغلا

أزعل ليه؟ وش دعوى:D

لكن بعدي حلووووووووووووووووووووووووه


اشوف خالد قام يرطن مثل رطن أهل القطيف=انا مالومه دام عاشرهم وصار إلهم وليف
لكن لاتضوي جهينه في علومك يالطيف= اقولها واللي عقد روس الحبال يحلها


دام أنت أكلت البصل ياخالد اشبع بثوم= ومن عاشر القوم توميله ويوميلها
وما نتبع الناقصه ياشيخ من روس قوم= والا الرساله على وجهين تأويلها

[خالد الهلولي]

كذا مو زين تتريق على رطني وتقلدني :mad:

بس ماعليك عادي;)

استلم لاهنت:)



ضاعت قضيتنا وصار الهرج في عرض وطول=هات الحقيقة وخل النقص من دون العقول
والا توكل و دور صحن تونه وفول=اقولها واللي عقد روس الحبال يحلها



ياضمن بدل كلامك قبل تصبح رجوم=ابعد عن الشر والغبات غنيلها
دراي مريرة شبابك دام طيرك يحوم=واحذر عذاب الغمامة وانته تخيلها


:rolleyes::rolleyes::rolleyes:

[ضمن السناني]

لاهان راس

بس ترى قمت تزعلني:D

واستتتتتتتتتتتتتتتتتتتتتتتتلم


تبغى الصراحه القضيه ثابته بين الثنين=أنته من أنصار الحسن والا من أنصار الحسين
ومن عاشر اهل الدين صار اليوم في تقوى ودين= أقولها واللي عقد روس الحبال يحلها


الهرج واضح وبيّن ياولد للعموم=لاتغرك أهل ضرمه في زين تطبيلها
وان زرت خيف الحسن في كل ليله ويوم=عوّد على النوخذه واحفظ مواويلها

[خالد الهلولي]

لا طاح الجمل كثرت ..........:confused:

ماعلينا هاك ردي....;)

وسلملي على الحسن معك....:D



من يوم شفت الجنازة جبت لطم الخدود=عارفك وافي وعندك بالمعاميل زود
ليتك تعذر المودع في حضور الوفود=اقولها واللي عقد روس الحبال يحلها



حافظ دروسي وقافي مير عندي هموم=هزت ضميري ونفسي صرت احاكيلها
اليوم راجع حسابك من اصول وخصوم=واعرف عليك وعلينا كيف تعديلها


يا ابو عواد الاصول والخصوم تعابير محاسبية:)
الاصول اللي لك والخصوم اللي عليك;)

[ضمن السناني]

أخي الفاضل والقدير الشاعر/ خالد الهلولي

شكراً لك يالقرم وبيض اللله وجهك على الروعة والجمال في الردود

ووفيت وكفيت

ولك كل الود والتقدير

[خالد الهلولي]

الاخ العزيز والشاعر الذي لا يشق له غبار/ ضمن السناني

الشكر لك وما عليك زود ياسنايدي

ولنا لقاءات اخرى بإذن المولى عز وجل فالكلام معك لايمل

سبحانك اللهم اني استغفرك واتوب اليك

تقبل كل احترام وتقدير لشخصك الكريم