بين عايد القريشي وبنية العروي

[محمـد الدبيش]

عايد القريشي :
يامن بكم خاطري شاقي=كلّف عليّا وجيت أرضيه
سلام صادر مع أشواقي=لأهل الفرح فالصفا نقريه
بنية العروي:
يامن بكم تم ميثاقي=درب الوفا دايماً تمشيه
ترحيب يامن بكم هاقي=توالي الطيب وتوافيه
عايد القريشي :
زان الصفا والمثل راقي=والطيب ما ينّكر راعيه
ياليت عندي مدى باقي=أكمل صفايا معك وأوفيه
بنية العروي:
شوقٍ على شوق متلاقي=دايم على خاطري طاريه
في ليل فيه الدجى ناقي=آخذ نقيّ المثل وأعطيه
عايد القريشي:
كان العوافي ومشراقي=باقي معك ماأنتهى ناهيه
مظلوم بأقدم أوراقي=واللي ظلمني بأقدّم فيه
بنية العروي:
ليل الصفا تو ماراقي= ( باقي من الليل ما يكفيه )
أعطيك من طالع إسياقي=لني سمعت الذي تشكيه
عايد القريشي :
ليّا خصم ضيّق أخلاقي=وعكّر على خاطري صافيه
لا فيه غيرك ولا لاقي=في عدل الأحكام مترجّيه
بنيه العروي:

أبذل معك كل ما ألاقي=إن كان ذاته ما تصخي فيه
خلك معه ند عملاقي=سايس أمورك معه وإنهيه
عايد القريشي:
عنيد ما يسمع إنطاقي=والسمع صمّه ولا يصغيه
وكل مانهيته عن فراقي=كـأنـي أزيد واعصّيه
بنيه العروي:
لو كنت عن خصمكم واقي=لك جملة أيام مترجيه
لابد لك العدل ينساقي=وتشوفه الناس وتخطّيه


ويصحابنا سامحونا

[أبو سفيان]

: شكرا على المشاركة واختيار هذا اللحن الجميل وليتك ذكرت المناسبة فهذا اللحن من رديح أبو رقيبة في جدة عام 1398 هـ وكنت ممن حضر تلك الليلة 00ونستأذنك في تعديل بعض الكلمات التي وردت بها أخطاء في الكتابة كما إنني كتبتُ لك الغصن الناقص بين قوسين 00واسلم لأخيك أبو سفيان وشكرا لك 0

[محمـد الدبيش]

أخي العزيز / أبو سفيان .... الموقر

أشكرك جزيلاً على التعديلات التي أجريتها

المعذرة...لقد كتبت اللحن كما هو مدوّن عندي
ونحن لا نستغني عن تعديلاتك وملاحظاتك


أخوك المحب لكم / مكسراتي