قصيدة في الملك فيصل يرحمه الله

[الجهني]

لا هنت ياراس الرجاجيل لاهنت =لا هان راس في ثرى العود مدفون
والله ما حطك بالقبرلكن آمنت =باللي جعل دفن المسلمين مسنون
منزلك ياعز الشرف لو تمكنت =فوق النجوم اللي تعلت على الكون
سكنت دار المجد ياشيخ واسكنت =شعبك معك في منزل العز ممنون
صنت العهد ياوافي العهد ما خنت =علمتهم وشلون الاشراف يوفون
تلفتت روس المخاليق ... وين انت ؟= وين العظيم وعود الشوف مطعون
لو شفت حال الناس عقبك تبينت =مقدار حب الناس للي يودون

صاحب السمو الملكي الأمير خالد الفيصل

[الحازم]

ماشاء الله عليك ياابومقبل على هذا النقل الرائع

والأمير خالد الفيصل شاعر لايختلف عليه اثنان

وبالنسبه لهذه الأبيات فقد كنت لاأحفظ منها سوى البيتين الأولين

فالف شكر لأتحافنا بها كامله

وعسى الله ان يديم عليك الصحه والعافيه

وتقبل تحيات اخوك / الحازم

[ضمن السناني]

الصديق الصدوق/ أبو مقبل

لاهنت يارأس الرجاجيل لاهنت أيها الغالي


شكراً للاختياااااااااااااااااااااار الجميل

ودمت لأخيك

[إبراهيم المحياوي]

قصيدة رائعه
في ملك عظيم
من شاعر مبدع
نقلها أخ عزيز