اللغز جاني على الجوال

[الجهني]

هذا اللغز أرسله لي أحد الأصدقاء وبفضل الله تمكنت من حله وحبيت أشارك به في هذا المنتدى وإن شاء تتوصلون للحل الصحيح :
أنشدك عن بنت(ن) خطير(ن) عملها = والبنت لو تفنى ترى العرق ما مات
واللي يحب أفعالها ماقتلها = ياالله عساها بين الأجواد ماجات


شدوا حيلكم واللغز الثاني في الطريق

[المبتعد]

اخى الغالى الجهنى........... مساء الخير والسعاده

كيف الحال اخوى ان شاء الله طيب

بالنسبه لهذا اللغز والله دخت من التفكير فيه ولاكنى مطمن لما شفت

عدد اللى مروا عليه فوق الـ 34 مابين يمكن عضو وزائر ولا احد رمع

له رمعه لو غلط فقلت ياولد مايبغالها ارمع لك رمعه وعساها تصيب

وش رايك اخوى فى :-

(( الفتنه )) كفانا الله شرها

وكما فى الحديث (( الفتنه نائمه لعن الله من ايقضها ))

ولى عوده لو الحل غلط

على فكره اخوى اطرح مالديك من الغاز وخلنا نشارك ونشوف

ترانى من المولعين بالالغاز

وتقبل تحيات اخوك المبتعد

[الطير المهاجر]

الاستاذ رجا

السلام عليكم ورحمة الله وبركاته

كيف الحال نورت المنتدى



ام
ام
ام
ام
ام



السوسه


<----------------:confused: مدري كيف جات بس هي كده


.
.
.

[ضمن السناني]

أخي الأستاذ/ أبو مقبل

ماأدري تقول على الجوال وإالا اللغز جائزته جوال:D

ممكن الغيبة وممكن النميمة

[الجهني]

الأخ العزيز ضمن السناني بالنسبة للغز أرسله لي أخوك أبو ياسر على الجوال وحليته بالنسبة للحل أقول مالك لوا وحاول في الألغاز القادمة 0

الأخ العزيز الطير المهاجر وعليكم السلام ورحمة الله وبركاته وابشرك بخير وعافية وتسلم على السؤال وبالنسبة للحل مالك لوا وحاول في الألغاز الباقية

أخوي المبتعد والقريب على القلب مساء النور والسرور وأقولك بيض الله وجهك وصح لسانك الحل هو الفتنة كفانا الله شرها وحفظ وطننا من الفتن ماظهر منها ومابطن

شدوا حيلكم في الألغاز القادمة