المساعد الشخصي الرقمي

مشاهدة النسخة كاملة : مطلوب ياضمن


الجهني
01-05-2002, 11:44 PM
الأخ أبو ريناد / مساء الخير

استلم===


يامرحبا ياضمن واعداد هب الرياح = واعداد ماغرد القمري على غصونها
قالوا لي إن السناني ناوي الارتياح = وناوي (ن ) للوزارة يدير بشؤونها
ضمن السناني
02-05-2002, 12:03 AM
أرررررررررحب أخوي الغالي (الجهني)

علماً بأني الآن أرد وأنا متواجد عند أستاذنا (المعاصر)

وسوف أكون بعد ساعة في المنزل

ولكن أستلم
فيك البقا ياالمسلم عد ماالبرق لاح= واعداد ماترزم رعود(ن)مع مزونها
لا تروي الا حديث(ن)من ثقات(ن) صحاح= ان كان مانته بنون العين ترعونها
الجهني
02-05-2002, 12:35 AM
أخوي ضمن بلغ سلامي لأستاذنا المعاصر

استلم
===


لايضيع منك الأجر إن كان فيكم نصاح = لاتضيعون العلوم اللي تعرفونها
لا تكبرون النفوس بوسط ذاك الجناح = وتحسب عليكم ذنوب (ن ) ماتسوونها
ضمن السناني
02-05-2002, 01:22 AM
أرحب

وأستلم يالقرم[
الحمدلله أنا مسلم من أهل الفلاح= وأدري عن علومك اللي ماتدارونها
لكن لك عندنا سم(ن) مركز ذحاح= ونحسب عليكم ترى خطوهاتخفونها
johaenh
02-05-2002, 01:28 AM
وابغى اتدخل مع ضمن ، واول مرة في حياتي ابغى ادخل في محاورة طبعا زي الرديح فيه ردوف وقبلي الاخ المعاصر تدخل ومداخلتي يمكن التجاوز عنها وتركها لانها من مبتدي وابغاكم تشجعوني مجاملة


الرد على لسان ضمن وموجه للجهني
كسب كسبته على روس المخاليق نجاح=هذي علومي ولو حاربت من دونها
وإن كان تبغا النصيحة والا تبغا الصلاح=روّح لعمك وقلّه يتــرك شــؤونـها




الجهني سامحني ومع السلامة
ضمن السناني
02-05-2002, 02:04 AM
أخي الشاعرjohaenh

حياك الله ولكن كما تعلم لاتوجد في المحاورة (ردوف) ولكن يوجد تغيير

الوسيم بقاف ولحن اخر

أما عن مداخلتك فهي رائعة بالفعل وأتمنى أنا العب معك وسيم اخر

غير هذا الوسيم لأنه حول معنى خاص بيني وبين أخي الغالي الجهني

لكن هين علمته الرماية000000

وبعدين كلنا (عليميه) ونتعلم من بعضنا البعض وكلنااخوة في هذا المنتدى العامر بكم
الجهني
02-05-2002, 03:50 AM
اخوي ضمن / اسف على التأخير حصل عندي خلل في الجهاز ولم اتمكن من اصلاحه الا في وقت متأخر

اشكر ( جهينه ) على التعقيب

استلم
===

ماقول فيكم قصور ياهل الهدى والصلاح = وماظنتي تنكرون اللي تقولونها
مير انشدوا من سبق ماظن والله استراح = إن كان تعرف لكم واحد يعرفونها
ضمن السناني
02-05-2002, 03:17 PM
أخي الغالي (الجهني)

ان شاء الموعد الساعة 12 الليلة

وأستلم يامال الغنيمه
تعبت ياصاحبي (أشرح) وأزيد الصياح=والنفس يا صاحبي زادت بها غبونها
ولوأنشد اللي سبق ماظن للسر باح=وكل(ن) ايعرف اللحون اللي ايغنونها
الجهني
02-05-2002, 05:52 PM
الأخ ابو عواد / مساء الخير


ترى التعب ياضمن مخلوف فيه النياح = والنفس ياصاحبي حذرك تراعونها
اصبر على غلبكم تشرب من الما القراح = لجاتكم ياضمن فتره تحسبونها
ضمن السناني
03-05-2002, 12:11 AM
أستلم

يا المبدع

في موقفي كأني اللي وسط حرب وكفاح= يوم الأمانه ترى مانقدر انخونها
ويازين هرج السعه في وقت كله براح=ولاتلوم صاحبك وأنته عارف فنونها
الجهني
03-05-2002, 01:37 AM
ابو ريناد / مساء الخير

استلم
===

لاتنس بعد الديار اللي بها الحر فاح = في وقتها ياضمن لازم تزورونها
اخاف تندم لياشفت الجسم منه طاح = وتبغى تراجع ولا تقدر تعودونها
ضمن السناني
03-05-2002, 02:23 AM
أخي الغالي\ الجهني

ارررررررررررررررررحب والحقيقة كنت عند صديق والان اللي جلست أمام

الجهاز واستلم ياالقرم
الصقر يشهر ترى لابان نور الصباح=مقاس بعد المسافه لو تقيسونها
والشيخ حط الختم ماعاد فيها مزاح=والخيل لاروحت ماعادتثنونها
الجهني
03-05-2002, 02:45 AM
استلم
====
نعمين فيكم ليا شفنا صفوف الرماح = مايهمكم بعدها بخطوه تعدونها
مادام العلم انتهى والجهد فيها ذباح = الله يوفق لكم باللي تحبونها
ضمن السناني
03-05-2002, 02:58 AM
أخي الشاعر الرائع (الجهني)

وفيت وكفيت 000وبيض الله وجهك ياراعي العلوم الغانمة


والله يتمم (العلم ) بخير

ولك كل الاحترام والتقدير على الطرح الجميل من شاعر أجمل أمامه

مستقبل كبير في فن المحاورة
الجهني
03-05-2002, 03:13 AM
اخي الرائع / ضمن السناني
السلام عليكم ورحمة الله وبركاته
اتمنى لك التوفيق في كل خطوة تخطوها واشكرك من أعماق قلبي على المشاركة وهذا فضل منك

وإلى اللقاء في مشاركات اخرى والسلام عليكم ورحمة الله وبركاته