عبدالعزيز الشاطري
16-07-2013, 07:57 AM
اشتكي لوسادتي دنياي واسمعها تنوح=قالها الامير ماونس غير حب ومستريح
كيف انا !؟ والهمّ يبني في حياتي له صروح=وآتوسّد له ذراعي كل ماثنيها تصيح
يرسم اوجاعي على قتل الأمل والليل لوح=مضفي استاره ويبني في ظلامه له ضريح
الزمان اقشر وينشر في لياليه الجروح=وآتظاهر بالفرح والوضع لي ماهو مريح
ذقت من كاس الزمان المر والهقوة جموح=مير يعثرها على منهاضها الوقت الشحيح
كل ما تنهض عثرها واخفي الدمع النصوح=والقدم ما تونس الاسقام من كثر المطيح
من يمين ومن يسار وكل ما تنوي تروح=تبتلش بالضيق لو اني على الدرب الفسيح
يا زمن دوبك عليّه لو شكيتك لا تبوح=خلّها باسرارها مادام ما فالجوّ ريح
لاجل بين الناس شمّاتٍ وهرّاج وفضوح=يطرب لصوتٍ يهزّه لو على صوت النبيح
لا تقول انْ كلّ غيمة لو بها البارق يلوح=تسقي الظميان ماها .. واسمع العلم الصحيح
دام قلبي من هموم الوقت واحزانه يفوح=وْحظي الاقشر محله لو اقاومها طريح
اشتكي لله دنيايه وانا كلي طموح=للرضا والمغفرة والفوز لو اني جريح
كيف انا !؟ والهمّ يبني في حياتي له صروح=وآتوسّد له ذراعي كل ماثنيها تصيح
يرسم اوجاعي على قتل الأمل والليل لوح=مضفي استاره ويبني في ظلامه له ضريح
الزمان اقشر وينشر في لياليه الجروح=وآتظاهر بالفرح والوضع لي ماهو مريح
ذقت من كاس الزمان المر والهقوة جموح=مير يعثرها على منهاضها الوقت الشحيح
كل ما تنهض عثرها واخفي الدمع النصوح=والقدم ما تونس الاسقام من كثر المطيح
من يمين ومن يسار وكل ما تنوي تروح=تبتلش بالضيق لو اني على الدرب الفسيح
يا زمن دوبك عليّه لو شكيتك لا تبوح=خلّها باسرارها مادام ما فالجوّ ريح
لاجل بين الناس شمّاتٍ وهرّاج وفضوح=يطرب لصوتٍ يهزّه لو على صوت النبيح
لا تقول انْ كلّ غيمة لو بها البارق يلوح=تسقي الظميان ماها .. واسمع العلم الصحيح
دام قلبي من هموم الوقت واحزانه يفوح=وْحظي الاقشر محله لو اقاومها طريح
اشتكي لله دنيايه وانا كلي طموح=للرضا والمغفرة والفوز لو اني جريح