نداء للحـــــــــــــــــــــــــــــــــــــــــــــاز م(سلام ياصلك يالحازم)

[ضمن السناني]

أخي الغايب عن المنتدى/ الحازم
السلام عليكم ورحمة الله وبركاته

وين الناس:mad:

طالت الغيبة يارجل




سلام ياصلك يالحازم=ياراعي الطيب واللازم
الحق ياصاحبي لازم= والطيبه حظ راعيها

عساك بخير يالحازم عسى ماشر يارجال=ثلاث شهور يارجال لاروحه ولاجيه
وقبل ناخذ علومك ياعريب الجد كيف الحال=بعد ماوحيت لي ياصاحبي فاخبار سريه

[ضمن السناني]

وينك ياأبو يحيييييييييييييييييييييييييييييييى

[الحازم]

الف شكر ياابو عواد على سؤالك

وهذا من طبع الاجواد امثالك

وعساك بخير ووووووكيف حالك >>>>>>> على باله قصيده



واستلم لاهنت



مشكور ياضمن ياشاعر = سؤالك بيشرح الخاطر

عساك دايم لنا فاكر = والطيبه حظ راعيها



عسى فيك البقاء ياضمن والشرهه على الجوّال = يقرّب مايفرّق بين ضو الشمس والفيّه

بعد مارحت نجد القصه اللي قالها تنقال = تغيّر مسكنك ياليت ماتتغيّر النيّه

[ضمن السناني]

هلا وغلا باابو يحيى

وين ابو العنود والجهني

حتى تعود الليالي الحلوة

واستلم يالنشمي
عز الله انك على بالي=يامنبع الطيب ياغالي
ولاتخلط المر فالحالي= والطيبه حظ راعيها

نبي نأخذ علومك مع سواليف(ن) مع الفنجال= تدور الدله ونارك على طول الزمن حيه
عليك مسجل المحضر شهوده من ثقاة ابطال=وحنا لو بعدنا مامشينا درب ملويه

[الحازم]

يرجعون ان شاء الله والبركه فيك ياأبو عواد

واستلم



الطيب منبعك ياسيّد = وحكم الهوى ماهو مقيّد
عيّد ليا شفتنا نعيّد = والطيبه حظ راعيها


يازين الليله القمرا يازين القاف والموّال = ليا صاحبك ابن عواد والطرقه سنافيّه
تسجّل وش تسجّل والقضيه حلها ترحال = ترى نسبة غلاك تزيد عن تسعين بالميّه

[ضمن السناني]

أخي الحبيب/ ابو يحيى

اسف على الغياب فانت تعرف ظروف السفر والدراسة

لكن هالحين هين:D


العيد معروف ميعاده= والطيب والله لكم عاده
وشعيل من نزل شداده= والطيب حظ راعيها

أقوله يابو يحيى نعم والله ياعريب الخال=تشرفنا ترى خوة هل الطالات والهيه
علامك ماسبرت القوم يوم القوم وسط خمال=تلد العين يم الغرب والدعوى شماليه
:D:D

[الحازم]

الحمد لله على السلامه اخوي ابو عواد

واستلم لاهنت



ياصاحبي ودنا ندري = عن الرضاء والغضب بدري
حتى نرد اللحن حدري = والطيبه حظ راعيها

لقيت اثنين جنب البحر واثنين انتخوا بجبال = وانا مااعاين رياح الفضاء لو هي جنوبيه

ابو زيد الهلالي باعو كتابه بعشر ريال = ولكن سالم الزير اشترى تمره قصيميه



:D:D

[ضمن السناني]

الله يسلمك ياغالي

واستلم
إن كان ماتدري مصيبه= اللي زعل وش نسويبه
يبني على الظن والريبه= والطيبه حظ راعيها

أنا خابرك ماتاصل حدود البحر ياجمال= تسوق الزمل يم خمال يوم الأرض مرويه
لوان الجره اللي قصه (مري) لقى محتال= نهب تمر القصيم ومال لعيال الحجازيه


:D

:D

[ضمن السناني]

الأخ العزيز/ أبو يحي

وينك عسى ماشر

لازال البحث والتحري عنك أيها الغالي

;)