مع التحيه لابومديده

[محمد حامد السناني]

الاخ الشاعر ابومديده سلمه الله

امسك قلم واكتب اقوالي=وان كان تبغى اجيب شهود
اشكيلك اللي سبا حالى=وكل ما نهيته علي يزود

[ماجد أبو مديدة]

الأخ العزيز الشاعر
محمد السناني حفظه الله
اليك ردي المتواضع
ابومديده
سِن القلم يرسِم أمثالي=حسب الذي ترسمُه وترود
ولابان مصدر للإشكالي=تاخُذ رِزين الحُكُم مجرود
اللسان الصريح

[محمد حامد السناني]

اليك ردي مع التحيه

صحيح ماهو يتهيالي=عفت الكرى والعباد رقود
اكازي الام ميبالي=يرتاح ليله وانا ملهود

[أبو ياسر]

إلى الشاعر القدير / محمد السناني
وهذا الرد من / أبومديده

تنشد ولك طرف هلالي=سهران ليل الأسى موعود
لكن برق الأمـل عالي=معاه قفت ليالي سود

[محمد حامد السناني]

بعد التحيه اليك الرد

كلما تشاويت في حالى=واملت للي مضى ميعود
القاه في حل من جالي=ويقابل الطيبه بجحود

[ماجد أبو مديدة]

بعد التحيه إليك الرد
دققّت في حالك البالي=اللي منُه تشتكون لهوُد
لقيت في أول وتالي=إنك على الطيّبه محسود

[ابو فواز]

بالهون كلا على هونه
محاورة رائعة بين الشاعرين

[محمد حامد السناني]

اخي العزيز ابو مديده اقدم لك اسفي على التاخير

اليك الرد

ماني عن اللي حصل سالي=دايم وانا للامر مشدود
ومن الصبر ذقت غربالي=واخيل درب الامل مسدود

[ماجد أبو مديدة]

اخي العزيز لاداعي للأسف
والمعذره على الردود ترى لازلنا نتعلم
ابومديده
خلك على طالع إرسالي=لايغيب ذهنك عن المردود
لو خالط المُر بالحالي=أهل العزم تارد المورود

[محمد حامد السناني]

الاخ ابو مديده انا في انتظار مردودك الاخير

ابغى افاده على اسالى=وياصاح راع الخطا منقود
اصبر وداري على احوالى=والا عنه اقصر المجهود

[ماجد أبو مديدة]

ابومديده
أنا على مايتّراولي=إن الوسِل بينكُم مفقود
خلك تحت دِبرة الوالي=وماخاب من يسأل المعبود
ويصحابنا سامحونا
اللسان الصريح

[محمد حامد السناني]

[]الاخ الشاعر ابو مديده اشكر لكم جميل صبركم وتواضعكم ولك تحيه
على هذا الابداع وللحقيقه كنت رائع في ردودك
تقبل بكل الاعتزاز تقديري
اخوكم محمد حامد السناني[/

[ماجد أبو مديدة]

عزيزي الأخ الشاعر الكبير
محمد السناني
اشكرك على هذه الثقه والكلام الجميل والذي يدل على اصلك الطيب
واعلم ياخي محمد انه لولا كلامك الجميل كان ماستطعت ابرم حرف واحد
وانشاءالله اني اكون وفقت في مراديدي البسيطه والتي مهما قلت اوقال الغير
فاانا متأكد انها لن تصل لحد ماتبدعاخوكم
ماجد ابومديده
اللسان الصريح

[أبو تركي]

الأخ الشاعر / محمد السناني
الأخ الشاعر / ماجد أبو مديدة

أمتعتمانا بهذه المحاورة الإبداعية ونحن معكما منذ البداية نتابع الردود إلى أن اكتملت ، دام التواصل بينكما وبيننا .

تقبلوا أرق تحية