ليالي جده الينبعاويه ( الليله الأولى ) و ( الثانيه ) و ( الثالثه )

[أبو ياسر]

( الليله الأولى )
بعد أن تعرف الشاعر / عبدالعزيز بنيه ( عبر منتدى المجالس ) عن شخصية اللسان الصريح الحقيقيه وإتضح بأنه صديقه الحميم الشاعر المتواضع ( ماجد أبومديده ) وفي أول لقاء لهم يبادر مهندس الحرف : ـ
إنت مادامك صريح لسان=متمكن الطيب والمعنى
نبغى في شان المعاني شان=معنى يطابق مع المغنى
يرد أبومديده
مادام مثلك على النيشان=من ود صادق يشجعنا
أترجم القيل مهما كان = ومثمن القيل يسمعنا
العروي
الله يافرقة الخلان=والله ياحب يجمعنا
طالت بنا رحلة النسيان=وتسببت في مواجعنا
أبومديده
مثلك شكينا من الهجران=ومثلك عن الحب دافعنا
الله يجازي الهوى يافلان= نشريه لو كان بايعنا
العروي
وشله سبب يبخس الميزان=مادامنا في مواقعنا
ومابيننا ود وإستحسان=عن بعضنا ليه ضيعنا
أبومديده
هذا الهوى من قديم أزمان=معاه تصغى مسامعنا
وإن كنت في مواصله حيران=إمسك طريق السعو معنا
العروي
ماني على مواصله رغبان=لكنه الشوق لوعنا
لجله تمكن من الوجدان= وشواهده في مدامعنا
أبومديده
تفرعت قصة الأحزان=أكيد تبغى تلاوعنا
ياتساير الشوق بالإحسان=ولا عن المسأله دعنا
العروي
الود داين ولايندان=أطاوعه مايطاوعنا
كيف أجعله خارج الحسبان=اللي لأمره مطوَّعنا
أبومديده
الآن فصل القضيه حان=في أمرها لاتراجعنا
ماني مكلف وأقلك كان=والود معروف مايفنى

ونحن في إنتظار العزيز ( أبوحسن ) ليزودنا بما دار في الليله الثانيه والثالثه في مجالس الينبعاويه في جده0

[أبو سفيان]

لقد سعدنا هنا في المجالس الينبعاوية بهذه المحاورة الجميلة التي جمعت
اللسان الصريح بأخيه

وما أحلى الصراحة من إنسان متواضع بطبعه وفعله وابتسامته المشرقة وشاعريته القوية

ثم ما أجمل الرد من رقيق المعاني

ونحن لا نملك إلا أن نبارك التوافق بينهم في هذه المحاورة الرائعة

[أبو حسن]

الليله الثانيه

كانت في
منزل الشاعر / بنيه العروي ( يرحمه الله )
وبدأ اللحن من الشعراء
( ماجد ابومديده وأنس الدريني وطارق الغانمي )



حتم علينا الوفا نوفيه=ونوافي أهله وحيانه
سلام للدار واللي فيه=واللي تعنى على شانه
ويأتي الرد من الشعراء
( جباره العروي وعبدالعزيز بنيه )
يامن كسب طيب من ماضيه=ومجود بناه وأركانه
ترحيب مثل العسل صافيه= والود نهجه وعنوانه
أبومديده والدريني والغانمي
يبقى المرحب ومن نغليه = للطيب ساسه ونيشانه
وياليت رسم المثل نحييه=ومعك نتمجرى بألحانه
جباره وعبدالعزيز
رسم المثل منك متحريه=والطيب يرجح بميزانه
صيغه وأنا منتظر وأوحيه=هاته وعجل ببنيانه
أبومديده والدريني والغانمي
قلبي إشتكى والخصم قاضيه=اللي تسبب في حرمانه
كيف يتمكن منه يرضيه=وينول طيبه وإحسانه
جباره وعبدالعزيز
قاضيك حكم العدل لاغيه=وعهد المحبين ماصانه
لاتجعل المسأله في إيديه=مادم لك بان عدوانه
أبومديده والدريني والغانمي
إنت تعرف الهوى صاليه=يوقد على القلب نيرانه
ماهو بيد الذي ماشيه=حتى يتحرر من أحزانه
جباره وعبدالعزيز
أشعل سراج الأمل وأضويه=حتى معك تثمر أغصانه
وماظن راعي الهوى يعفيه=صده وبعده وهجرانه

[أبو حسن]

http://nassar11117.jeeran.com/Jbarah4.jpg الشاعر / جباره العروي
الليله الثالثهوفي منزل الشاعر المتواضع/ ماجد عبدالله الجدعاني ( أبومديده )
تتواصل ليالي السمر والكرم
ماجد أبو مديده مضيفنا ومفرج أبو مديده وعبدالعزيز بنيه و خالد الصبحي ( خالد الشعراء و أنس الدريني و هزاع المولد
في البدايه هذه الكسره من الأخ / خالد الشعراء حيث يقول

مادام صفو الملاقى زان=والكل حاضر بأحاسيسه
ترحيب منا لكم عنوان=مبني على الطيب تأسيسه



http://nassar11117.jeeran.com/جباره2.jpg الشعراء / أبومديده_ الدريني ـ عبدالعزيز

وبعد أن تناول الجميع طعام العشاء بدأ هذا اللحن بين كلا من /
عبدالعزيز بنيه وهزاع المولد وهذه الكسره

من قلب للطيب مطواعي=يامن يهمك تآخينا
سلام مخصوص للداعي=وثنيه للي موالينا
يرد ماجد وأنس
يامن لمد الوفا ساعي= وبطيب دايم يناجينا
ترحيب من خافقي شاعي=لحضور جملة محبينا
عبدالعزيز بنيه وهزاع المولد
دايم لعلم الوفا راعي= ودايم من الطيب تعطينا
والآن بأشرح لك أوضاعي=بأسباب منهو مآسينا
ماجد وأنس
منك الوفا علم وأطباعي=مشهود له في أراضينا
وآنا معك بالمثل واعي= وإشرح مآسيك ياخينا
عبدالعزيز بنيه وهزاع المولد
كيف أفرده فالهوى شراعي=ولاعاد مرسى ولا مينا
أبغى ألتقي طب لأوجاعي=ومن ذيك الأسقام يشفينا
ماجد وأنس
الود جاير وخداعي=لاتأمنه يامنابينا
من طب بحر الهوى ضاعي=إن ماإعتبر من مساعينا
عبدالعزيز بنيه وهزاع المولد
أبغاك تفزع لمفزاعي=وتفيدنا في مشاكينا
أخشى لك أهداف وأطماعي=ياللي على المر ترمينا
ماجد وأنس
ماني للأجواد مناعي=وعلاجهم في أيادينا
يلزمك لوصاله تراعي=لاتقول غابت مراسينا



http://nassar11117.jeeran.com/[جباره.jpg سعيد العروي يكتب لوالده الشاعر / جباره


http://nassar11117.jeeran.com/Jbarah6.jpg أنس وماجد وهزاع

[أبو سفيان]

شكرا من الأعماق / أبو حسن ... على التواصل وكنتُ أحس أن الليالي لها تكملة

وقبل التخمين والظن ها أنت تفاجئنــا بالليلة الثالثــة مع هؤلاء النخبـة من الشعراء الأعــزاء ..

تقبل تحياتي وتقديري على هذا الجهد والمتابعة .

[أبو رامي]

شكرا يا أبو حسن
يا دينمو المجالس الينبعاوية ومراسلها الميداني
فقد أسعدتنا بهذا النقل لهذه الليالي الخالدة
وشكرا لجميع الأعضاء في هذه الصحبة الطيبة ، ونسأل الله لهم
دوام المحبة والاتصال والتواصل ، وأن لا يحرموننا مما يدور
في مجالسهم العامرة من طيب القول وجميل المحاورات
فنحن نتابعكم ، ونسعد بما يصلنا منكم
ولا أنسى أن أوجه جزيل الشكر لمشرفنا أبو ياسر
فعلى يده كانت البداية

[انس الدريني]

شكرا لكم على هذا المجهود الواضح وهذا التنسيق الجميل لكلامنا المتواضع

هذه اليالي ليالي خلدتها ذكرانا كانت الموده والاخوه عنوانها الاساسي التقينا بالاحباب بعد غياب طويل وتعرفنا اكثر على اخونا الغالي ابوحسن رجل في قمة التواضع وسماته الطيبه و الاخلاق

كل المنى ان يدوم هذا الوصال وان نرتقي الى الافضل تحياتي وتقديري
لجهودكم الجباره

[ماجد أبو مديدة]

صديقي الصدوق أبوياسر
وعزيزي الغالي والحبيب أبوحسن
اشكركم جزيل الشكر على إهتمامكم وحرصكم على نقل تلك الليالي والتي بإذن الله تزيد أواصر المحبه بيننا سواء عن طريق المحاورات او عن طريق تبادل الأحاديث
والشكر موصول للأخوان الأعزاء
ابورامي وابوسفيان
على تعقيبهم الجميل
اخوكم الشاعر المتواضع
ماجد ابومديده
اللسان الصريح