عبدالعزيز الشاطري
26-05-2012, 08:31 PM
النفس في شوفة المحبوب ملتاعه=والحب عن شوف غيره بات معميني
فيه المشاعر لنا بالسمع والطاعه=والقلب بيّن على عْيوني عناويني
القلب له لو تغلّى .. فيه مرباعه=دايم يصبّحني بْخير ويمسّيني
احيان ماحسّ بجروحه ومقلاعه=اليا التقت بالمشاعر عينه وعيني
واحيان نبضه يطمّنّي على راعه=مرتاح لو السهر للعين مشقيني
والعين للقلب شاشه تكشف اوضاعه=والبثّ فيها مشفّر بين قلبيني
من شان خلّي يشوف الحب واوجاعه=ويشوف يوم يتمشّى فالشراييني
وْيرفق بحالي ويعطيني ولو ساعه=من كلّ ليله يبرّد جمر يكويني
يا عين لو هلّ دمعي صعب مرجاعه=بثي برامجك حصري بينه وبيني
وْياقلب لو صار بين الناس قطّاعه=الوصل ساس العلاقة للمحبّيني
فيه المشاعر لنا بالسمع والطاعه=والقلب بيّن على عْيوني عناويني
القلب له لو تغلّى .. فيه مرباعه=دايم يصبّحني بْخير ويمسّيني
احيان ماحسّ بجروحه ومقلاعه=اليا التقت بالمشاعر عينه وعيني
واحيان نبضه يطمّنّي على راعه=مرتاح لو السهر للعين مشقيني
والعين للقلب شاشه تكشف اوضاعه=والبثّ فيها مشفّر بين قلبيني
من شان خلّي يشوف الحب واوجاعه=ويشوف يوم يتمشّى فالشراييني
وْيرفق بحالي ويعطيني ولو ساعه=من كلّ ليله يبرّد جمر يكويني
يا عين لو هلّ دمعي صعب مرجاعه=بثي برامجك حصري بينه وبيني
وْياقلب لو صار بين الناس قطّاعه=الوصل ساس العلاقة للمحبّيني