من يحفظ الود مايظامي/ بين الدبيش والشطيري

[خالد الشعراء]

جرت هذه المحاوره بين الشاعر الشاب الرائع محمد احمد الدبيش والشاعر الشاب نايف الشطيري
يوم الأثنين 26 / 12 / 1424


(من يحفظ الود مايظامي)
الشطيري
ليه الهوى يعاند ايامي=وانا عنه صارف النظرات
جالس على الباب قدامي=مايدير لحظه عن الوجنات
الدبيش
دوم الهوى مقصده سامي=يجيك ويشاغلك حزات
وتصير مُلزم به إلزامي=لاكان مستقصدك بالذات
الشطيري
اخشى على ساعة احلامي=تضيع مع باقي الأوقات
وأسير في مبتدا عامي=عايش على صطوتُه مرات
الدبيش
من يحفظ الود مايظامي=ويكون لُه من عدول ثقات
خليك واثق ومقدامي=مادام صفّت معاك وجات
الشطيري
من قبل لاتجف أقلامي=أبغاك تشرح لنا الحالات
من شان تسعى لها أقدامي=صوب الهدف والحقيقه إثبات
الدبيش
المردود الأخير
من عادة الود مايقامي=إلا على بنود مرسومات
مضمونُه أداب واحكامي=توصل بها لأبلّغ الغايات
ويصحابنا سامحونا


مع تحيات
خالد الصبحي

[أبو سفيان]

شكرا شكرا شكرا / يا خالد على التواصل والمتابعة
والشكر موصول لأصحاب المحاورة ( محمد الدبيش ونايف الشطيري )

حقيقة محاورة جميلة وأغصان رائعة وحضور يجلب للنفس المتعة والسرور ..


تساءل الشطيري
ليه الهوى يعاند أيامي = وانا عـنه صارف النظرات

وأجاب الدبيش
خليك واثق ومقدامي = مادام صفت معاك وجات

[خالد الشعراء]

الأخ المشرف ابوسفيان اشكرك على مرورك على المشاركه وعلى كلامك الطيب
وكما قلت ابوسفيان انه حضور يجلب النفس للمتعه والسرور ونلاحظ عند متابعة سياق الكلام

تسأل الشطيري
جالس على الباب قدامي=مايدير لحظه عن الوجنات
واجاب الدبيش
وتصير مُلزم به إلزامي=لاكان مستقصدك بالذات


تحياتي للجميع
خالد الصبحي