محاورة بين الشاب أكرم سلامه والشاعر أحمد عبد الله الصيدلاني

[أبو رامي]

أكرم سلامه
عجزت أوصل معه تمهيد = والهم في حالنا سيطر
البعض يحسب معي ويعيد= والبعض دايم معي ينكر

أحمد الصيدلاني
خلك مع الجانب اللي يفيد = وواصل جهودك ولا تقصر
ودرب الأمل غايتك لا تحيد =حتى تحصّل على اللي يسر

أكرم سلامه
زادت أموري معي تعقيد = عكس الذي خاطري ينظر
يا كيف نلقى لنا تأييد = والكل في روحنا يأمر

أحمد الصيدلاني
ما دام محتاج له وتريد = تأييد من جانبه وأكثر
شوف الذي سبب التنكيد= حاول معه قد ما تقدر

أكرم سلامه
الكل من حولنا صنديد = في وصل الأحباب مستكثر
صدّر علينا حكم تأبيد = ضباط في صفهم عسكر

أحمد الصيدلاني
آخر مردود
قبل المآسي عليك تزيد = وتكون فالموقع الأخطر
بأسلوب راقي بلا تشديد = وباللطف ومسايسه فكر
بعض الأشايا مهي بالأيد= غصبا على المبتلي تكبر
واعلم ترى ما يجي توديد = إن كان ما ربنا يسر