في الجنادرية ــ الشاعرة / عهد الوفا . وقـفت أما هذه الصورة ونظمت هذه القصيدة

[أبو سفيان]

في أثناء تجوالها في قرية الجنادرية العام الماضي استوقفتها صورة نادرة لصاحب السمو الملكي الأمير فيصل بن فهد - رحمه الله- فطلبت من صاحب المعرض شراءها ولكنه رفض بحجة أنها هي الأصل وليس لديه نسخة عنها، فقالت الشاعرة عهد الوفا هذه الأبيات مصورة بها ذلك الموقف ومشاعرها تجاه فقيد الوطن رحمه الله:


لا صار تسحرني من الشوق صوره = ترى الغلا فالصدر تبقى معانيه
ترسخت بين الحنايا جذوره =ازهر بها قلبي وهزت محانيه
وصارت علينا ذكرياته ضروره =تمطر على قلب المولع وتحييه
حتى يعبر عن غلاه وشعوره =لبيه يا فيصل من القلب لبيه
مشاعري مهما تقول معذورة =تصور إحساسي وانا مقدر أخفيه
وابو خلف ما شفت ظلمه وجوره =اللي عطاني موعدٍ وين أوديه
واليوم بيبان الحياه مهجوره =ما مرها الغالي ولا شاف غاليه
جعل العوض في غيبته في حضوره =نواف بن فيصل وخالد يخاويه
اللي لهم في ساحة المجد دوره = تعلموا من طيب فيصل مباديه
عهد الوفا

[صالح السناني]

[]شكراً لوفاء أبو سفيان وشكراً للشاعره عهد الوفا على هذه الرائعه ووفاءً لذلك الفارس الذي لن ننساه أورد بعض أبيات قصيده لي برثائه رحمة الله عليه نشرت بأحدى الصحف أنذاك ومهما كتبنا لن نبلغ هامات مايستحقه ذلك البطل

آه ياعلم لفى السبت العصر=جاء وجاب احزاننا من كل نوع
آه يافيصل لو تشـــوف البشر=كيف دنيتهم غدت شيٍ يـــــروع
كم يتيم للسماء لـــد النظـــــــر=جرح الوجنات من كثر الدمـــــوع
آه ياشيخٍ عن الدنيا هـــــــجر=كلنا للخالق الوالي رجــــــــــوع
غاب فيصل وافترى فينالسهر=القصايــــد مالـــــنا فيها نفــوع
لو يعرف الطفل وش حجم الخبر=صار راسه شيب لوعـمره اسبوع
ولوشعورالناس كله يـــــــنشر=تنحرق صفحـــاتنا حــرق الشموع
ولوحزون القلب تجتــاح البشر=كان دنــيتهم غدت شيٍ يــــروع
من يلوم الدمع يومه ينـــــتثر=غاب شيخٍ مايبي شوف الدمــوع
مومنين ونحتسب لاجاء القــــدر=مسلمين ولابـنا شــخصٍ جــزوع
لويرد الموت من دونـــه جســر=كـان صـــرنا كــلنا دونــه دروع

شاعرالغرب

[سعد الهلــــولي]

بارك الله في شاعرية اخونا أبو فايز الذي اتحفنا بكل هذا الجمال الشعري
فهو ليسفقط شاعر الغربة بل شاعر الوطن وشاعر العاطفة الجياشة فله مني كل تقدير

وبارك الله في شاعرية الوافيه عهد فقد عزفت على انغام عوطفنا واتحفتنا بقصيدة معبرة