أسعد الله صباحك يابوجميل ( من الصريح للريفي )

[ماجد أبو مديدة]

اخوي الشاعر الكبير محمد جميل الريفي
فرصه جميله واحلا صباح اللي نشوفك فيه على الصفحه


فرصه سعيده يابوجامل=وأحب اقلك صباح الخير
اللي اشوفه معي ساهل=غيري يشوفه صعب للغير
تحياتي

[الريفي]

الاخ الغالي اللسان الصريح
صباح الرضاء والسرور وتقبل من اخوك هذا الرد المتواضع

ترحيب بالصاحب العاقل = اللي يشاور وهوَّ يشير
وانته بالاخلاق متكامل = لايهمك الغير مهما يصير
تحياتي اخوكم
محمد جميل الريفي

[ماجد أبو مديدة]

فيك البقا والعمر الطويل
الصريح
طمنتني فالذي حاصل=وأشرّت لي بالسعد تأشير
لكن سهم الغدر قاتل=وانته بهذا الأمر فكّير

[الطير المهاجر]

اللي يشاور وهو يشير ؟؟؟؟؟؟؟

(فكير)؟؟؟؟؟؟؟؟؟؟؟؟؟

الله يرحم الكرنب وبنيه:mad:

[أبو سفيان]

أخي الطير المهاجر :

علامات الاستفهام التي وضعتها كأنها احتجاج على بعض الأغصان ..
ومن وجهة نظري الخاصة أن ما أشرت إليه سليم الوزن والبـنيـة .. ليتك تعيد القراءة بتأن وشكرا .

[الريفي]

لاباس
لاباس ياالصاحب الفاضل = ياللي في رسم المثل ماتحير
مفعول سهم الغدر باطل = لو ماعترضته في خط السير
اخوكم
محمد جميل الريفي

[ماجد أبو مديدة]

الصريح
ماني مع الخصم متساهل=ولاني من أجل الهدف في دير
محروق من فعلة الفاعل= ومالقيتلُه أيّها تبرير
تحياتي

[الريفي]

خلك على موقفك صامل = واصحى تراجع عن التقرير
وليا اعتدل حظك المايل = الكسر يجبر بلا تجبير
تحياتي
اخوكم محمد جميل الريفي

[ماجد أبو مديدة]

حياك الله ابوجامل
لو هي على الحظ مااناحل=وماأشغل البال والتفكير
تفكير بعض البشر فاشل=مبني على الكُره والتزوير
تحياتي

[الريفي]

هلا بالاخ اللسان الصريح

مانته ببعض العرب جاهل = وعنهم مايحتاج لك تحذير
من قدم الطيب يستاهل = يلقى مابين العرب تقدير
وياصحابنا سامحونا
تحياتي
اخوكم محمد جميل الريفي

[ماجد أبو مديدة]

كمول يابوجامل
ومايبقى إلا الطيب إنشاءالله , والله يديم الود والمعروف بين الجميع ويوالف القلوب ويحفظ هذا الصرح من كل مكروه
تحياتي للجميع
ابوجامل على الله تكون الهديه اعجبتك انت وابوياسر ,, اشوفك ماابديت رايك وانا دراي انها على قد الحال لكن هذا اللي قدرنا عليه واحنا نتعلم