[الحب ما يعرف صغيرن و شايب ]

[ياسر الجهني]

http://a4.sphotos.ak.fbcdn.net/hphotos-ak-snc6/165716_1384667556838_1836504441_729805_420514_n.jp g (http://www.facebook.com/photo.php?pid=730653&id=1836504441)




لا صرت غايب عاجلتني مصايب

تغيب و قلبي بين الاضلاع نواح!!

و ان مرني طيفك تزول العطايب

و يزول همي من فوادي و ارتاح

فجأه تغادر و يرجع الهم نايب

و تبكي عيوني من مفارقك ياصاح

تكفى ترى تكفى تجي في النوايب

و لا قلت تكفى الا ابي الهم ينزاح

ارجوك ترحم حالي اليوم ذايب

كما يذوب الكحل بالدمع لا ساح

الحب ما يعرف صغير ٍ و شايب ..!

الحب ملعون الجدف وين ماراح

يهنى بحبي و لي دموع ٍ سكايب

ما يعرف الرحمة .. و له رمش ذباح

ويا عاذلي بالحب يجي لك حبايب

و تعرف مقام الحب و الحب سواح

ويـا محلـل ٍ دمـي بلـيا سبــايــب

و انت الذي للقلب دكتور جرّاح

الله و اكــبر يا زمــان العــــجايب

خليتني مجنون في شخص سفاح

ان جيتني جيتك و كلي طلايب

ما تبتعد عني لي سنين بكفاح

ابي يمينك في يميني صحايب

او ضمني بنسى معك كل الأتراح

الجرح كل الجرح لا صرت غايب

و لا مر طيفك خلني فيك مرتاح


ياسر الجهني يوما ً ما