ترحيب في خادم الحرمين ومشاكاة له

[وحيدة السعودية]

يامرحبا يا حيهـــــلا يالغالي=للباس عين بشوفتك مطفيــَّه
حنا يتاما العيد ياوالدنا=وأنت لظمايا ارواحنا عيديــَّه
وش صابنا في غيبتك يااابونا= مصايبٍ ماهي علينا شويــَّه
هي ريح صرصر والعوالي تصفر=واهل المراكي قيـَّـلوا عصريــَّه
والنار تُــورى والثرى حاشرها=والفاس تحطب والهبايب سـيـَّـه
أضرب بكفٍ من حديد وداوي=جرح الوطن في روحك الحنيـــَّه
ماااودنا يفرح علينا الباغي=وأهل الفتن وافكارها الثوريـــَّه
جده تعلَّـق في ثيابك جده=لامرها سيل الزُبا حوليـَّه
غرقت وهي وجلى يدور الداير=وتردها للطغمة النفعيــَّـه
الجوع كافر والحلوق يديها=من دونها وايامنـــا دوريــــــَّـه
ياظلنا والشعب ذول عيالك =القيظ يُـــكره والرضـــا بالفيــَّـه
لا تغيب يوم تغيب ثمن ترجع=وأوضاعنا تخبر على ما هيـــــَّـه
بيديك مفتاح الفرج يا بابه=والسقم طاول والدوا في كيـــَّـه
ياااامرحبا ياحيهلااااا يالغالي=ياللي ترد اللي غوى عن غيـــَّـه

[وحيدة السعودية]

واجهت مشكلة في تنسيق القصيدة أرجو من المشرف تنسيق القصيدة

[أبو رامي]

تم التنسيق شاعرتنا القديرة
شكرا على هذه القصيدة الرائعة والعاطفة الصادقة والمعاني السامية
اشتقنا كثيرا لحضورك
فما أروع هذه المناسبة وما أحسن القصيدة

[المعلم]

أهلا بعودتك وحيدة السعودية
وصح لسانك
دمتم بخير

[أديب الشبكشي]

أهلا بعودتك وحيدة السعودية


وصح لسانك
دمتم بخير

[إحساس المشاعر]

صح لسانك شاعرتنا عيدة العروي
ومرحبا بعودتك من جديد
تحيتي