صالح السناني
09-01-2011, 11:29 AM
زملائي الكرام السلام عليكم ورحمة الله وبركاته
أعتذر لكم عن الغياب واليكم هذا النص متمنيا له
شرف استحسان ذوائقكم الرفيعه .
ياليت يرجع لي من العمر مافـات=وآخذ مع الأزمـان قبلـه بروفـه
ولا قلت آه وليت وشلون , هيهات=ولا حاف قلبي بالعنـا مايحوفـه
ولا كانت الطّيبه طريق العذابـات=ولا صدّقت رجلي وتيـرة دفوفـه
دِبره , وبالدّبرَه حرام الحسوفـات=أستغفرالله والقضا , مـن يطوفـه
ألغيب لـ-الله والمقادير خطـوات=فوّضت الامر لمن غريمي يشوفـه
مرّات آوِنّ وأكضم الغيض مـرّات=وآقـول لابـدّ الليالـي تلـوفـه
أشرب عذابات العنا وآجْلِد الـذّات=بالحِلم واخلاق الصّبور وعُزوفـه
أمِدّ فنجال الوفا ومعـه بَسْمـات=ويساق فنجالـي وسمّـه بجوفـه
آزَيّن الشِعـر ومعانيـه صلفـات=وأضحك وانا موتي عيوني تشوفه
بعض الرضا جوعٍ وزاده مـرارات=وانْطر شـروقٍ ماتجـلاّ كسوفِـه
ألحّن ابياتـي والانغـام حسـرات=حتى لو طْروقـي علـيّ مْعَزوفَـه
أفرَح ليا شِفت البشر في مسـرّات=حتّى لمِن سَدّد بصَـدري زروفـه
آقـدّم سنينـي للاحـداث باقـات=وآشوفَهـا منّـي بليّـا كلـوفـه
إسنين من عمري ودَربي متاهـات=ورجاي عَدْل اللي تعَلّت وصوفـه
مامِن يصَدّق كيف انا عِشت بالذّات=ولا احْدٍ قبل يومه تطوله حتوفـه
ضاقت بدفتر قِصّتي كـل الابيـات=وبانت ملامح غربتي في حروفـه
لـضاقَت الدنيا أقَمْت الصّـلاوات=لـ,اللي رضيت بعِلّتي لجل خوفه
لو الشّعِر عبّر عن الحِمْل لَحْظـات=كان إحتَرَق واعلَن قصيدي خسوفه
صالح السناني (شاعرالغربة)
(http://www.alays.net/vb/search.php?do=finduser&u=404&starteronly=1)
أعتذر لكم عن الغياب واليكم هذا النص متمنيا له
شرف استحسان ذوائقكم الرفيعه .
ياليت يرجع لي من العمر مافـات=وآخذ مع الأزمـان قبلـه بروفـه
ولا قلت آه وليت وشلون , هيهات=ولا حاف قلبي بالعنـا مايحوفـه
ولا كانت الطّيبه طريق العذابـات=ولا صدّقت رجلي وتيـرة دفوفـه
دِبره , وبالدّبرَه حرام الحسوفـات=أستغفرالله والقضا , مـن يطوفـه
ألغيب لـ-الله والمقادير خطـوات=فوّضت الامر لمن غريمي يشوفـه
مرّات آوِنّ وأكضم الغيض مـرّات=وآقـول لابـدّ الليالـي تلـوفـه
أشرب عذابات العنا وآجْلِد الـذّات=بالحِلم واخلاق الصّبور وعُزوفـه
أمِدّ فنجال الوفا ومعـه بَسْمـات=ويساق فنجالـي وسمّـه بجوفـه
آزَيّن الشِعـر ومعانيـه صلفـات=وأضحك وانا موتي عيوني تشوفه
بعض الرضا جوعٍ وزاده مـرارات=وانْطر شـروقٍ ماتجـلاّ كسوفِـه
ألحّن ابياتـي والانغـام حسـرات=حتى لو طْروقـي علـيّ مْعَزوفَـه
أفرَح ليا شِفت البشر في مسـرّات=حتّى لمِن سَدّد بصَـدري زروفـه
آقـدّم سنينـي للاحـداث باقـات=وآشوفَهـا منّـي بليّـا كلـوفـه
إسنين من عمري ودَربي متاهـات=ورجاي عَدْل اللي تعَلّت وصوفـه
مامِن يصَدّق كيف انا عِشت بالذّات=ولا احْدٍ قبل يومه تطوله حتوفـه
ضاقت بدفتر قِصّتي كـل الابيـات=وبانت ملامح غربتي في حروفـه
لـضاقَت الدنيا أقَمْت الصّـلاوات=لـ,اللي رضيت بعِلّتي لجل خوفه
لو الشّعِر عبّر عن الحِمْل لَحْظـات=كان إحتَرَق واعلَن قصيدي خسوفه
صالح السناني (شاعرالغربة)
(http://www.alays.net/vb/search.php?do=finduser&u=404&starteronly=1)