الـولــع

[متعب الساق]

هدية العيد عسى انتنال استحسانكم
+++++++
يــاما صبرنا ويـاما لك تـحملــنا"="كلـه على شانكم يداعج أعيونـه
واليوم عن حملها نرجوك تعذرنا"="الحـمل جـاير وبيـنا كلة امتونـه
نـبعد ونـقرب وحـنا مـا تفاهمنا "="فـرقاء علينا مـع الاشـواق مقرونـه
من عافنا ياعنود الصيد له عفنا"="ومن باعنا له نبيع بسوق يشرونـه
بانت عيون الحقيقة لا تـجاملنا"="الـشوف إنـا لك الله مـا تـطيقونـه
انشهد إنـا بحبك قـد تـولعنا"="والله يعين المولـع ينقل أطعـونـه
++++
متعب الساق

[سعد الهلــــولي]

متعب الساق اعجاب متتالي بكل ما تسطر
كعادتك شاعر متميز تعتدل على كفيه كل موازين القصيدة
ننتظر القادم بشغف
ولانسمح لك بالتأخر بل نسألك التعجل وموافاتنا بكل جديد

[متعب الساق]

سلام

سعد الهلولي

وكعاتك كريم بأطرائك ونبل حروفك
هلا بأخي سعد ومروره الفذ
معكم باستمرار وانت تامر امر
لك محبتي وتقديري

[ابو نايف]

أخوي متعب الساق

تعود وتتعب ساقنا مرة أخرى بهذه القصيدة الجميله

راااااااائعه

تحياتي

[متعب الساق]

سلام

ابونايف

رائع تواصلك
ولاتعبت ولاندمت
طبت وطاب يومك
لك محبتي وتقديري

[الحازم]

كل عام وانت بخير

صح الله لسانك يامتعب الساق على هذه القصيده الجميله

وعسى الله ان يديم عليك الصحه والعافيه

وتقبل تحياتي

[متعب الساق]

وكل عام وانت بخير

اخي الحازم وصح بدنك
واكتمل جمالها بمرورك لاهنت
والله يديم الصحه والعافيه علينا وعليكم والمسلمين: انشاالله
لك مني كل محبه وتقدير