أميــــــــــــــــــــــــــــــــر الكــــــــــــــــسرة

[فرج الصبحي]

بين ( أبو زيد الهلالي ) و( العطاوي) = يامعيض الوضع مايحتاج راوي
أعرف إن السيف مايعطى لشاوي= والله أكبر ياللحون السامريه




يامعيض وش صار و يصير = بين ( ابن شوقي ) و ( حافظ)
مافيه فارس ولا أمير = نبغى نرشح ( محافظ)

[عبدالله]

علامك يافرج
ماني شايف كسرة فالمشاركة
شكلك ناويها .... طب خلوها
تقول (((مافيـه فـارس ولا أمـيـر )))
واقول


يمر ... مارس عقب مارس *** وماهو بذوقك ولاذوقي
رسمي على ( البندر) الفارس *** اما امير الشعر شوقي

[فرج الصبحي]

هلا أخي عبدالله

حياك الله وشكرا لمرورك العذب

[معيض الجهني]

كل واحد قال انا شيخ العوارف
والمصيبه ما يسدون المواقف
ماتو اهل السوق ورجال المصارف
والله اكبر ياللحون السامريه


السوق مليان شعير = والكل للسعر حافظ
مرحوم يا سالم الزير = اللي لوضعه محافظ

[فرج الصبحي]

الحقيقه واضحه والحق واضح= والصراحه يامعيض الفعل فاضح
كل قدر ن باللي فيه اليوم ناضح= والله أكبر ياللحوووووووووون السامريه



فالسوق خمسه هوامير= اللي تدير المحافظ
صارالذهب كوم قصدير= انشد حبيش وحوافظ

[معيض الجهني]

الحقايق ول يا مر الحقايق
الثواني قامت تدف الدقايق
وأصبح المجنون بالقمه موايق
والله الله يالحون السامريه


من بعد عبد الله العير = عيت تزين الملافظ
حتى الغنم ودها تطير = حافظ على العقل حافظ

[فرج الصبحي]

يامعيض اليوم لو تحسب حسابك= سوق الأسهم هقوتي ضيع شبابك
(المواشي) لا تظنه مثل (سابك)= والله أكبر ياللحوووووون السامريه



شوف ( المواشي ) و (جرير) = قبل علينا تلافظ
ماودنا فالمخاسير= ماني غليظ ن ولا فظ