بين شاعر الريف والشاعر معتق الشماسي

[فرج الصبحي]

أبو فهد (معتق الشماسي
مابين حبل الرجاء واليأس=تجاذبتني هموم الليل
مركب سرا من بحر غطاس=وأرسى بنا في ضفاف النيل
أبو خالد(مفرج السيد)
اللي جر الك جرى للناس=مثلك انا فالهوى بالحيل
ولجلي شربت الهوى بالكأس=مازلت أرقب طلوع سهيل
أبو فهد
مادمت مثلي وفيك احساس=وماشي مع الحب ميل بميل
وش رايكم في هوى مكناس=بعيد وانا ضعيف الحيل
أبو خالد
خلك قوي العزم والباس=لايسمعونك شباب الجيل
وانا معك لو تبي تكساس=مادمت فارس وراكب خيل
أبو فهد
جاني خبر من طرف عساس=إنه رحل للكويت محيل
ومن دونهم نصبوا حراس= وأمست كحيله فحكم كحيل
أبو خالد
لو كان عنده نذير أجراس=وتحول دونه بحور تهيل
راع الهوى مايطاطي الراس=مهما حصل من اسىأو ويل
أبو فهد
خبري بكم فالمعاني ساس= شاعر فحل العقد حلحيل
ومازلت فالدائره منحاس=ماعطيتني ناتج التحليل ؟؟
أبو خالد
لايكون حبك هوى قرطاس=وانحاش لما ملا الزنبيل
قطع وصول الهوى بالفاس=وارتاح من كل قال وقيل

[الخاطري]

الاخ الفاضل فرج الصبحي

ماقد سجلته يستحق القرأة ليس مره بل مرات
كيف لا وهذه الدرر بين الاستاذ مفرج وابو فهد

لقد ابدعوا في تناسق الكلمات خاصة بقافيه جميلة وسلسه

شكرآ لك اخي الكريم

تحياااااتي