((الشاعر عصام الجهني والبندوري فى لحن على الهواء مباشرة))

[البندر]

عصام الجهني=
ماني علم فالمثل مشهـور=ولا اقول شاعر وتبرانـي
يادوب ليه ثـلاث شهـور=اكتب غصن ومسح الثانـي
البندوري=
ظاهر كلامك درر وزهور=اريج ريحه تعداني
ومادام قولك ماهو مكسـور=تحـوز نجمـه ونيشانـي
عصام الجهني=
من قولكم خاطري مسرور=ياحرف بالطيـب شجانـي
الان ابغـى علـي تشـور=من لوعة البعد واحزانـي
البندوري=
ابشر وعطنى سبب للجور=محسوب واحد من اخواني
من يمنا ما يجيك قصـور=القيل عمره مـايعصانـي
عصام الجهني=
خابرك بالمعرفـه دكتـور=شاهد على الحرف واوزاني
وبالطيبـه دايمـا مذكـور=يشهد لك القاص والدانـي
ياحروفنـا قلبنـا مأسـور=والحال والله عنانـي
من بعد عشنا فرح وسرور=اليوم عـن عمـد بكانـي
البندوري=
الرد ماني عنـه مقصـور=هي اسمع الرد واغصانـي
مادام طبيـت فالمحظـور=قولي وعده على لسانـي
ماتعرف ان الهوى مغرور=وانه يهـودي ونصرانـي
المبتلي يشتكـي مقهـور=والغير هو الـذى جانـي
ويصحابنا سمحونا=
البندوري=
امام صراف الرياض=
26/7/1431هـــ =

[خليل]

كلام رائع ومتقن من الطرفين اسجل إعجابي وللجميع تحياتي

[البندر]

الاروع هو حضورك
استاذي سلطان الكسره
شكرا لك ابو هاني على هذا
التواجد العذب دمت بكل الود تلميذك
ومحبك البندوري

[المعلم]

سلمت أخي البندر
حوار جميل
دمتم بخير