كسرة أبو سفيان بمناسبة زيارة أمير السياحة لينبع

[أبو رامي]

قصيدة من شعر الكسرة نظم الأستاذ / عواد محمود الصبحي
بمناسبة زيارة الأمير سلطان بن سلمان وأمير منطقة المدينة لينبع في 6/6/1431هـ
ــــــــــــــــــــــــــــــــــــــــــــــــــ ـــــــــــــــ


سلام يا مجمع الأخيار= واهل السياحة وكادرها
سلام وافي مع المقدار= اعــداد ما هل ماطرها
واعداد ما تنبت الأشجار= وتسرنا من مناظرها
يا مرحبا والنبا مدرار=والناس تتبع سوايرها
ليلة ويسعد بها السمار= الله يوفق مقررها
اليوم ينبع لها تذكار= يا اللي جبرتو بخاطرها
واللي سمعناه واللي صار= فرحة وبانت بوادرها
أميرنا يا أمير الدار= إنت الإشارة تأشرها
ولما أمير السياحة زار= قلوب طابت مشاعرها
يحمل لنا أجمل الأخبار= اللي مؤكـد مصادرها
الصور والماقفة أسرار= ما كـل واحد يفسرها
والواجهة أول المشوار= بافكـار منهو يطورها
عقده وكانت على المنشار= ربي يبارك مكسرها
واللي يحـل العقد بيطار= فاهم وعارف محاذرها
وبيوتنا اللي كساها غبار= طاحت وزادت مخاطرها
اليوم نلفت لها الأنظار =تهنا وتسعد بحاضرها
سبحان من زيـّن الأفكار= وحطـّها في دوايرها
مشروعنا يسعد الزوار= أحلى المناطق يعمرها
خلاني أنظم لكم أشعار= واحلى المشاعر أصورها
مشكور يا منعش الآثار=حتى السياحة تشاطرها
أهديك باقة من الأزهار= أريج ينـبع معطرها

[جودي]

كلام جميل ومرتب من استاذنا ابوسفيان

[بنت الماضي والحاضر]

صح لسانك يأستاذنا ابوسفيان

[المعلم]

صح لسانك مشرفنا
العام أبو سفيان
نتمنى للجميع التوفيق والسداد

[yaser_1406]

راااااااااائع
اباسفيان الله يرفع قدرك مثل مارفعت قدرنا و معنوياتنا.. بهذه القطعة التراثية الراقية ..
حفظك الله استاذنا المبدع ..
ووفقك الى كل خير .. وأسأله أن يجعل النجاح حليفك..

[شرم ينبع]

صح لسانك أبا سفيان وشكرا على كل هذا الحب والتقدير لينبع من قبلكم

[المطرفي]

صح لسانك .. أبا سفيان ولا عدمناك .. وشكراً أبا رامي على هذا النقل .. تقبلوا تحياتي ,,

[ابوحيارى]

أهديك باقة من الأزهـار
أريـج ينبـع معطرهـا


ياسلام عليك يا أستاذ عواد


مني باقة تقدير وود واحترام لقلمكم الرائع


وشكرا أبو رامي عـلى نشر القصيدة


ابنكم البار/ابوحيارى