الــجــرح ارحـــم ,, إذآ يرجع من أغليــته..

[بنت الرفاعى]

اللي بقـآ لـي مـع الأيـــام ..وفٌــيتـه
والضــيق لو ينهمـر تشربْـه وديانـي

ماهي كبيره علـي .. والحـزن غنيتـه
ولاهي غريبـه .. إذا وقتـي تحدانـي

الخوف .. و اللي تطوف الخلق في بيته
لا عشت زهرة شبابك .. و أنت وحداني

كم جرح خذْته من الاحباب .. ضمّيتـه
وجروح قلبي زكـاه .. لحـب خلانـي

مطعون ؟ عادي ,, جفا الاقراب ؟ داويته
تعبان ؟ حظي ,, ردي هالحظ ؟ خاوانـي

صدمه ؟ بسيطه ,, هوان الحال ؟ مريته
مقرود ؟ أدري و إذا حرمان؟ عدّانـي

مافاح هم ٍ لـك والله .. مـا تقهــويتـه
و مامرّ حـــزنٍ بغيـري .. مـا تبلانـي

ياما .. وياما مـن الخـذلان ..عديتـه
إلا بصاحـب ..بعـد عِشـره تناسانـي

ازريت لأنسى غيابـه .. ليـن ناديتـه
والموت لامـن تجاهلنـي .. وجافانـي

وينه يجينـي .. وكـل عتـاب كنّيتـه
ياليت يدري بعد فرقـاه .. وش جانـي


من كنت طفل وانـا أرجـاه فـي بيتـه
شيّبت .. واثره على هالحـال خلانـي

حتى جناح العتـب لرضـاه .. ذليتـه
ماطرت بعده فرح .. مـن ذل جنحانـي

ياقلب صبرك .. ترى كل شـي سويتـه
ماكان افضل من اللي كان .. بإمكانـي

لو بيّ قوه علـى الهجـران ؟ خليتـه
لوبـيّ ذره مـن النكـران ؟ يفـدانـي

الجرح أرحم.. إذا يرجـع مـن أغليتـه
مجروح ؟ فدوه .. ولكن صعب وحدانـي