المساعد الشخصي الرقمي

مشاهدة النسخة كاملة : احذر السهر ياضمن


الجهني
26-04-2002, 02:33 AM
فتحت الجهاز الساعة الثانية والنصف ليلاً فوجدت الوحيد الذي يتصفح المنتدى هو الصديق ضمن السناني 0 فحبيت أن اوجه له هذه الأبيات

استلم ياضمن
----------------
يامرحبا ياضمن واعداد وبل الغمام = وعد من عاش في طيبه ومن زارها
يوم اني شفت السناني ساهر(ن) ماينام = وماسك اللوحة اللي يطقطق ازرارها
ضمن السناني
26-04-2002, 03:33 AM
الأح الغالي(الجهني)

أرررررررررررررررررررررررحب واستلم

فيك البقا ياالمسلم يوم جانا السلام = وحنا نقدر كبار الروس وصغارها
أسهر في طاعة ترى المولى ماجيت الحرام = والكلمه الطيبه يازين مقدارها
الجهني
26-04-2002, 04:59 AM
اخوي ضمن استلم


تر السهر لاكثر مايجيب غير العدام = يقضي على العين ولا يكثر اضرارها
الطاعة اللي تسويها تراها ملام = تحذروا ياالسناني من خطر نارها
ضمن السناني
26-04-2002, 05:47 AM
استلم

اللي يشوفك ايحسب انك تصلي امام=والا(طبيب)بوزاره نعرف شعارها
لاتسبر القوم وأنته ماعليك الوسام=ماني من اللي في بالك عارف(ن) كارها
الجهني
26-04-2002, 10:52 AM
اخوي ضمن / صباح الخير

استلم


مجلسك وسط ربعك والنشامى الحشام = الظاهر انه يفيد ويكشف اسرارها
لاتقابل الشاشة اللي وسطها الشر حام = خذها نصيحه ترى يامكثر اوزارها
ضمن السناني
26-04-2002, 01:35 PM
استلم :mad:
ربعي جهينه على عز و معزه قيام = في نصرة الدين والله تدفع أعمارها
والشاشه اللي تقول بكف يدي الخطام = لشك (سامي) يبي يأخذك لشهارها
الجهني
26-04-2002, 08:15 PM
اخي ضمن / مساء الخير

إن مرور استاذنا المعاصر وتعقيبه على المحاورة الأولى أكبر دافع لنا للمواصلة وأتمنى منه قراءة قراءة ردي عليه في المشاركة التي بعنوان ( رسائل تصلح للجوال )

أما انت ايها الصديق الوفي استلم


ربعك ترى ربعنا لا صار وقت العسام = نعمين فيهم رجال وتحتمي دارها
شهارها ياضمن خلوها للي نيام = اللي تحسب النصيحة احقاد من جارها
ضمن السناني
27-04-2002, 12:20 AM
أخي الرائع / الجهني

مما لاشك فيه بأن أستاذنا المعاصر أكبر دافع للمشاركة في هذا المنتدى


أما أنت فخلووووووووووووووووووها:o

(الضربة القاضيه) لجات تحت الحزام=تنهيك يا البندق اللي ضايع عيارها
والجار له عندنا حشمه ترى واحترام= والطيبه ليه ما قدرت مسعارها
الجهني
27-04-2002, 05:08 PM
اخوي ضمن أسعد الله مساء بكل خير

استلم
===

الضربه القاضية خذها بكف الحسام = يوم ابتلشنا بطبه ضاع مسمارها
انا ترى ثابت (ن) لو صار فيها ندام = والطيبه ياضمن حنا من انصارها
ضمن السناني
28-04-2002, 12:39 AM
أحوي الجهني

خلووووووووووووووووووووها

السيف ما ينقله غير الرجال العظام=والا أنت لدارت الهيجا لك غبارها
على الحسايف لقيتك عاض رأس الابهام=والا (الجزيره) ترى ما نسمع أخبارها
الجهني
28-04-2002, 01:10 AM
اخوي ضمن / مساء الخير

استلم
===

ميقافنا تخبرونه يالرجال الكرام = يوم ان بعض العرب تطقطق بطارها
والوقت روح ترى يقفاك بكره دوام = لاتحسبن الرجال تفرط بثارها
ضمن السناني
28-04-2002, 01:50 AM
أخي الجهني

أستلم أنا معك للصباح
الفعل يقرق لك الله ماهو مثل الكلام= وأنت تهز المناكب في وسط بارها
وان طال والا قصر ياصاحبي فالختام= ناطى على العقرب اللي تلدغ بغارها
الجهني
29-04-2002, 03:25 PM
اخوي ضمن / السلام عليكم ورحمة الله وبركاته

تشرفت بمحاولة مجاراتك في المحاورة والتدرب معك ولكنك أستاذ لايشق له غبار في هذا المجال 0

تقبل اعتذاري عن كل خطأ وكل تقصير وإلى اللقاء في محاورات أخرى والسلام عليكم ورحمة الله وبركاته 0

سلمت يالغالي

تقبل تحياتي تقبل مني هذين البيتين
========
أخوك / الجهني


قالوا تعرف الوفا وقلت والله = ترى عنوان الوفا ضمن السناني
رجل(ن) كريم(ن) وفي يازين ممشاه = ومجمع أمجادها بكل المعاني
ضمن السناني
30-04-2002, 02:03 AM
أخي وصديقي الحميم

الحقيقة وفيت وكفيت ونحن اخوة ونتعلم من بعضنا البعض


وبعدين (ماعليكم زود) يالقرم وعزالله انه من طيبك يالسنافي

وتقبل تحياتي ومعذرة على القصور
ياحر ياللي من رجال(ن)مسماه=عزالله انك واحد(ن)من اخواني
واللي زبن في مزبن العز والجاه =يلقى الرجا مقبل وذخر الزماني