من أجمل قصائد خالد الفيصل من يقول الزين مايكمـل حـلاه

[بنت الرفاعى]

من يقول الزين مايكمـل حـلاه
كل شي(ن) في حبيبـي اكتمـل
الله اللـي كملـه والله عـطـاه
مابقى للزين فـي خلّـي محـل
العيون أحلى من عيون المهـاه
شافها قلبي و صفّـق و احتفـل
نظرته من فتنتـه شعلـة حيـاه
والجفون من الحيا فيهـا كسـل
ساهم(ن) رمشه على الخد وسناه
كن لمعة وجنتـه ورد(ن) وطـل
الشفايا كنهـا جمـر الغضـاه
تحرس الريق المحلّى بالعسـل
والشعر ليل(ن) نقل حمرة مساه
أجعد(ن) حوّل على صدره همل
مايج من فوق متنـه ماطـواه
لون شلال(ن) مع المغرب نزل
وأنطلق جيده يماري في بهـاه
فوق مياس(ن) تعزّل واعتـدل
بالرشاقه فيه من ظبي الفـلاه
لي مشى كنّه على الروح انتقل
ريحته من كل زهـر(ن) منتقـاه
والزيـاده للخزامـى والنـفـل
صافي(ن) مثل المطر فوق الصفاه
باسـم مثـل البشايـر بالأمـل
جامع(ن) من كل زيـن منتهـاه
مستحيل الوصف في خلي سهـل
كايد(ن) ماهو يلين لمـن بغـاه
يرتفع عن كـل سقطـات الزلـل

[بنت الرفاعى]

(كفاني عذاب)...

كفاني عذاب الله يجازيك بأفعالك
جرحت الضمير وما طرالك تداويني
مريض المحـبه داه ودواه بـوصالك
الا كيف تبخل وانت نظرتك تشفيني
الا واعذابي كيف ما عاد يهنالك
سوى انك تشوف الموت بيديه يطويني
انا يوم احبك ما تصورت غربالك
ولا قد خطـر في بالي انـك تجافيني
تفرغت لك يا ساكن القلب ابحالك
تقل غيرك من الناس ما هم بحييني
انا قمت اناجي بين الاحلام مرسالك
وزولك حبيبي لو بالاحلام ناسيـني

[مسمار جحا؟]

يعطيكي العافيه اختي بنت الرفاعي

دمتِ بود