المساعد الشخصي الرقمي

مشاهدة النسخة كاملة : وين الحازم يا عساه بخير


ابو نايف
06-10-2003, 11:18 AM
أخوي الحازم
أولاً السلام عليكم ورحمة الله وبركاته كيف الحال وعساك بخير

ثانياً استلم مني هذه الأبيات


يا هلا يا مرحبا عـد همال المزون = بالـرجـال اللـي لهـم بالمعـارف منزله
فيه نجم طالع يا يكون وما يكون = وابو يحى في السما ينحسب فالاوله
الحازم
06-10-2003, 03:09 PM
اخوي ابو نايف

وعليكم السلام ورحمة الله وبركاته

وابشرك الحمد لله انا بخير ياعساك بخير

وسؤالك اخوي يدل على محبتك واخوتك الصادقه

فألف شكر ياابو نايــــــــــــــــــــــــف


وتفضل لاهنت




البقاء والعين ماتنثني فوق الجفون = عند ناسٍ معرفتهم تسمّى مرجله

ياسهيل الجدي مثبت على مر القرون = وانتظر للخير يأتيك رأس السنبله
ابو نايف
06-10-2003, 04:08 PM
هلا والله
واستلم يالذيب


الـبـلا لا خـتل مـيزانـهـا عـبر السنون = وش يسوي جـديهـا فاليال المقـبله
ان ذبحت الجدي قالوا كريم ما يهون = يبلي الوقت اليالي وتبلى السلسله
الحازم
06-10-2003, 04:35 PM
خلووووووووووووووها



البلا فالناس والا الزمن ماأذكر يخون = ياابو نايف لاتكبّر هذيك المشكله

لو ذبحت الجدي يبقى القمر ذكره يمون = بين فرجال القضيّه وبين المنقله
ابو نايف
06-10-2003, 07:06 PM
إييييييييييييييييييييييييه خلوها


قدمكم يالشاعر اللي تغنـي بالحون = بحر وتشوف الجواهر صنوف مشكله
الذبايح علقت وأنت واقف بالصحون = امسك اللحمـه وبقطع لـك اللي تاكله
الحازم
06-10-2003, 07:42 PM
استلم لاهنت


الهموم اثنين والاوّله هم الديون = لاتروح البحر وتشوف نجم القايله

لو نعلّقها ويظهر بياض من السنون = يطلبون إثبات واجب بكرت العائله
ابو نايف
06-10-2003, 10:39 PM
استلم يابن الأجواد


الرجـال الصامـلـه بالـمـواقـف يصمدون = ما يطير الطير كان القنوص تعقله

اشهد انك يا ابو يحي من اللي يفهمون = كـل رجـل عاقل عقله اللي يدلله
ابو نايف
06-10-2003, 10:43 PM
استلم يا بن الأجواد



الرجـال الصـامـلـه بالمـواقـف يصمدون = ما يطير الطير كان القنوص تعقله

اشهد انك يا بو يحي من اللي يفهمون = كـل رجـل عـاقـل عقلـه اللي دلله
سعد الهلــــولي
06-10-2003, 11:14 PM
ابو نايف والحازم
عودتونا على جمالف محاوراتكم
نحن متابعون فتابعوا
عطرونا بهذا العطر من الكلمات
الحازم
07-10-2003, 04:59 PM
خلوووووووووها



ماخبرت اللي يقولون تم ويرجعون = لين يفقد روحه او يفقد احدٍ من هله

الحقيقه مثل طيرٍ يغنّي بالغصون = إن تركته ضعت وإن مات جات المسأله
الحازم
07-10-2003, 05:01 PM
اخوي سعد الهلولي

الف شكر على التشجيع والمتابعه

وان شاء الله نكون عند حسن الظن

وتقبل تحياتي
ضمن السناني
07-10-2003, 07:22 PM
الله000 الله

الليل لايسري

ياأبو نايف

وينك ياسنايدي
البلا لا ختل ميزانها عبر iiالسنـون 00 وش يسوي جديها فاليـال iiالمقبلـه
ان ذبحت الجدي قالوا كريم ما يهون 00 يبلي الوقت اليالي وتبلى iiالسلسلـه

وأبو يحيى

خطير
ماخبرت اللي يقولون تـم iiويرجعـون
لين يفقد روحه او يفقد احدٍ من iiهلـه


الحقيقه مثل طيـرٍ يغنّـي iiبالغصـون
إن تركته ضعت وإن مات جات المسأله
ابو نايف
07-10-2003, 10:08 PM
الحقيقه إني نويت أوقف أخوي الحازم لإنشغالي الشديد كما يعرف
ذلك الشاعر سعد الهلولي وأظن أخوي الشاعر ضمن السناني يعرف .

اشكر لهما هذا التشجييع والمتابعه
ولأجل هذا ولأجل بيتك الأخير أقول استلم لا هنت


إن تركـتم دلـة الكيف عنهـا يبعدون = السيوف مجرده والخيول مخيله
والله انا نعرف الخاينه واللي يخون = إن قريت القارعـه انتبـه للزلزله